Мифы, сказки, предания манси (вогулов). - 2005. (Т. 26.)

Зкватэ пус кāтэтыл юныггытэ. Мāнь сорт элаль сāӈхвасас, Ōйка кāтэ супыг хōйвес. Сāӈхвасаме мус мāнь сорт та минас, тӯвле пате. Ань Тары-Пēсь-Нимāля-Сов мāнь=лунт-хурил мортым тōрум- нӯпыл тыламлас. Мōртым-Экваг-Ōйкаг колын та ёхтыс Лунт-сове хот- лэгматастэ, юв сялты. Экваг-Ōйкаг ӯнлэг. Лāвег: «Мōт тōрум-пāлт лā- вылтавен, Тары-Пēсь-Нимāля-Сов, ман тотн-утэн тотвесн, ман āлнтан- утэн āлнтавесн?» — «Олнэ элм-холас акв-мат мāн хӯнь ёхты?!» Мор- тым-Эква кона квāлс, кит лылыӈ пирва пӯвматум; юв тӯлсаге, алсаге, нал-пётсаге. Тары-Пēсь-Нимāля-Сов тэсаге, āстыс. Ань эква лув-сак- ванэ кона квāлтысанэ, лылыӈ витуп тӯр-вōӈхан равтасасанэ: пирваг рōӈхим эл-тыламласыг. Мортым-Экваг-Ōйкаг лāвег: «Тары-Пēсь-Ни- мāля-Сов кон квāлэтэн; матарыг пирегн: та пирегн; ат-ке пирегн: наӈ кāсн». Тары-Пēсь-Нимāля-Сов кон-минас, кол-пōхэн сунсы: акв мāнь колкве; тӯв юв сялтыс. Мāнь кол-кивырт ань-мань нэ лыпась пуӈкыл ӯнлы; сагаге хот-тāрамтаме, лильпылыг усь ты сагитэ; сāнсэ ярмакыл пантыма; ань ярмак ёлы пāлэ нас лэнтги. Тары-Пēсь-Нимāля-Сов лā- ви: «Мāтэ хоса мā та йисум; ам номсэгм торыӈ мат нэ хōнтэгм; сāт сāӈки сагпанэ, сāт овлах сагпанэ* лāвылтэгум; хōнтылум: нэ-мат сāӈки āтим, нэ-мат ōвлах āтим, сāнсэ усял-няврамыл нас нёвсы». Ань ярмак хот-нуюмтавес; сāт сāӈки, сāт овлах элаль тыламласт; ань саме, пале тыг консавет, тӯв консавет. Нэтэ-нӯпыл лāви: «Товлы, ёл пӯвен! Са- магм, палягум полиг ты консавēг». Акв пōхын ӯнтсыг, аниглахтсыг, сыппыгхатсыг. Āги хумит-нӯпыл лāви: «Минэн āсягм=сянягм-палт; акв сорниӈ лунт-сов, акв сорниӈ хотаӈ-сов вос лшгыг!» Тары-Пēсь-Нимāля- Сов Экваг=Ōйкаг-пāлт та минас, лāви: «Акв сорниӈ лунт-сов, акв сорниӈ хотаӈ-сов маēн!» Пуӈк тāратыма нас ӯнлэг. Ōйка пуӈке нōӈх алмэйис, вāпсэ акв сорни=лунт-совел, акв сорни=хотаӈ-совел майвес. Такви сорниӈ лунт-совен сялтыс, нэтэ сорниӈ хотаӈ-совён сялтыс. Мōр- тым-Экваг-Ōйкаг лāвег: «Агиягм, вāпсагм! Элм-холас йисыӈ тōрм ӯнтхаты, элм-холас нотыу тōрм ӯнтхаты, ты лунтэ-вāсэ āгимен сӯсасыг ты сёпитаслумен; хонал акв хумитэн патнэ-мос, акв нэтэн патнэ-мос вос тэве, ул вос холы!» Ань аниглавесыг, сыпхывесыг, элаль та тылам- ласыг. Ань лунт-вāс тэн юи-пāлэнт та ōлтхатсыт. Ань асыӈ āхвтас- тāра ты-пāл тōрумна та ёхтсыг. Тары-Пēсь-Нимāля-Сов луве тыт ты