Мифы, сказки, предания манси (вогулов). - 2005. (Т. 26.)

Пēсь-Нимāля-Сов! — лāви — нāу-ос тыт?! Ман ӯрыл тыг ёхтысын?» — «Олнэ элм-холас акв-мат мāн хӯнь ёхты?!» Ань хōнтхатам мāтэнт кол ӯнлы. Эт=пос-Ōйка лāви: «Тары-Пēсь-Нимāля-Сов сялтэн тыг, ам таях ёхтэгым!» Кол-кивырт ӯнлынэ āгит-нӯпыл лāви: «Мā-хум мат хум ул саватэн!» Ань Эт=пос-Ōйка та минас, тав юв та сялтыс. Нэ хасап саиу пāлт ӯнлы. Тав ёл ӯнтгыс Хоса, ман вāти ӯнлыматэ хасап саиу- пāл нёвэсаукве патс, тав пōлюӈкве та пате. Асирман ты тэве, та тэве; Эт=пос-Ōйка ты сялты, āгит-нӯпыл лявти: «Мāнь мā-хум ōлнэ сира ты?!» Вāссыг нэ-мат асирэм āтим. Ань Эт=пос-Ōйкан нāй-вāпсыг сё- питавес, ōтыр-вāпсыг сёпитавес, хасап сайу пāлна тӯлвес Эг хуяс, холыт квāлыс, таккэт минас. Хоса минас, ман вāти минас, акв-мат-эрт Хōтал=Эква-пāлт ёхтыс Та-кос нявлы, нявлы: ат ёхтытэ; Хōтал-Эква хӯрум лувыл тох ты мины. Тӯвл акв мāт ӯрхатс, ань Хōтал-Эква ты ёхтыс. Ань-мань тот кол ӯнлы. Хōтал-Эква лāви: «Эйя Тары-Пёсь-Нимāля-Сов наӈ-ос ман тотн утнэ тотвесн, ман алнтан утнэ āлнтавесн?!» — «Ōлнэ элм-холас акв матмāн хӯнь ёхты?» — «Сялтэн юв, ам таях ёхтэгум!» Āгит-нӯпыл лāви: «Мā- хум мат хум ул саватэн!» Тав юв сялтыс, хасап саиӈ пāл ханы. Хоса, ман вāти ӯнлыматэ ань хасап нёвсāлуукве патс Рēгн ты тэве, та тэве; витыг ты пēрыглас. Хōтал-Эква юв ёхты, āгит-нӯпыл лявти: «Мāнь мā-хум ōлнэ сира ты?!» Нэ-матыр рēг āтим вāссыг. Сору тэпнэ, мāгу тэпнэ тыттувес. Тэс, āстыс; Хōтал=Эква-нӯпыл лāви: «Хōтал ам тотыг- лылум сар!» Хōтал-Эква лāви: «Нау мат-намыу ёмасякв тотыглэн!» — «Ам ман люльсау тотыглылум?! Акв тох ёмасякв тотыглылум». Хōтал- Эква лāви: «Нау кāсн; ёмасякв-ке тотыглылн, тотыглэлн!» Тары-Пēсь- Нимāля-Сов хōтал вистэ, та тотуукве патыстэ. Ёлаль сунсы: ёлы тōрумт ятыл мир акваг сам-пāлт, сӯп пāлт. Акв мāт кит хум алхатэг, кēлпыг- саиг алхатэг. Тары-Пēсь-Нимāля-Сов номсы: ам тот ке ōлнӯвм, та ас- пыгыт, тэнтэн алхатнэтэн, сёпитанувагм. Тох номылматыглас, ань утыг ёл-рагатасыг, хōласыг. Тӯвл ōс та мины. Акв-мат-эрт ōс ёлаль сунсы: кит эква лōухитахтэг, ēрхатэг. Тав номсы: ам тот-ке ōлнӯвм, та āукве нōныг, тэнтэн сёпитанувагм. Ань кулиг рагатасыг, хōласыг. Элаль та минас. Хоса, ман вāти минас, акв-эрт Хōтал=Эква-пāлт та ёхтыс Хōтал- Эква китапес «Ёмасякв ялсын?» — «Ялсум». — «Нэ матыр люль ат вāрсын?» — «Ат вāрсум». Хōтал-Эква лāви: «Тары-Пēсь-Нимāля-Сов нау хōтал-ке ōсьнувлын, сома люльнэ элм-холас āтим ōлнӯв, пуссын