Мифы, сказки, предания манси (вогулов). - 2005. (Т. 26.)

мань Вит=Хōн-Āги лāви: «Эйя Тары-Пēсь-Нимāля-Сов Тōрмна тэл āнумн та лāввесн!» Аныглавес, сыпхувес. Сорыӈ тэпыл, мāгӈ тэпыл тыттувес. Нэтэ лāви: «Минэн яг=пыганум-палт, яныг колна сялтэн; веритэгын-ке: та вēритэгн; ат-ке вēритэгн: ат та вēритэгн». Квāлс, та минас. Юв сялтыс сāт хум касырлэгт*. Тав-нӯпыл āӈкватаст, ёл āла ты пате, ворил ты вēритс. «Эйя Тары-Пēсь-Нимāля-Сов — лāвегт — мана тотн-утнэ тотвēсн, мана āлнтан-утнэ āлнтавесн?» — «Ōлнэ элм- холас акв-мат мāн хӯнь ёхты?!» — «Нāй-вāпсыг, ōтыр-вāпсыг ōлуӈкве- ке тāӈгегн, пасанна тыг ӯнтэн!» Пасанна ӯнтыс; касырлаӈкве, сāк- матлаӈкве* элаль та патсыт. Акв-мӯс тав мāсьтыр, сāт хум коны-пāлт тав хāсы; тав мāсьтыр. Акв-эрт сāт хумит-нупыл лāви: «Амки мāгыӈ хум, амки витыӈ хум; мāм-витум номтна ты патвесум, ты минэгм». Минуӈкве ты патыс, ань нэтэ сёпитавес. Вит=Хōн-Аги лāви: «Маныр сӯсас эри, а-ман мис=лӯв сӯсас эри, ман-ос вит=хул-сӯсас эри?» Тары- Пēсь-Нимāля-Сов лāви: «Ул вит=хул-сусас эри; хонал элм-холас йисыӈ тōрм, элм-холас нотыӈ тōрм ӯнтхаты, элм-холас маныр тэг вāссыг?!» Нэтэ лāви: «Минэн элаль, ювле ёхтынэн порат ам амти ёхтэгум». Ань Тары-Пēсь-Нимāля-Сов луве пāлт ань вит-āвиныл ноӈх та квāлыс Луве ань-мань акваг та каньсюм; нёвле хōлам, луве хōлам. Тары-Пēсь-Ни- мāля-Сов лылы-эпыл пӯвласастэ: мōлал маныр лӯв ōлс, мōлал маныр ӯй ōлс, ёмас лувыг усь та ēмтыс; акв нёл=сам-асэныл сӯлтмыл нэглы, акв нёл=сам-асэныл посымыл нэглы. «Тāлэн — лāви — ам сысумна!» Лӯв-сысн тāлс, элаль нёвматс; миннэ тул, хайтнэ тул халэн тэлыгтавес. Тох миныматэт акв мāт ёла ты патыс Ань патум мāтэт хāӈхылтап, нуми овлэ тōрум-нӯпыл нōӈхаль та мины. Луве тыг тӯв тэлум нирн нэгыстэ, тыг тӯв тэлум пумын нэгыстэ. Такви ань хāӈхылтап-хосыт нōӈх та хāӈхыс. Тōрулша нōӈха та ёхтыс. Эт=пос-Ōйка āмпēнтыл хартхатэг. Тары-Пēсь-Нимāля-Сов та-кос нявлы, нявлы: ат ёхтыяге. Еӈхэг, еӈхэг, мōнт минам мāтэнныл ōс ты минэг. Тāрыг-Пēсь-Нимā- ля-Сов акв мāт* ты ӯрмытахтс Ань Зт=пос-Ōйка ёхтыс. «Эйя Тары-