Мифы, сказки, предания манси (вогулов). - 2005. (Т. 26.)

17 Элаль та минасыг. Акв-мат-эрт Пāрапарсех-ӯсын та нэглысыг. Луве ань ӯс-āвин тӯв ты ёла тāратс, ёла ты пате. Нэтэ иц кон нэглыс, иӈ кāтанэн акван пӯвсыг. Нэтэн юв та тӯлвес. Юн нэтэ лāви: «Эйя эрыг- хум, мōйт-хум! Сака сав сав тотсын!» Сорыӈ тэп, мāгыӈ тэп пасан вāрвес, тэӈкве патсыг. Акв-мат-эрт нэтэ лāви: «Кон квāлэн сар, лу- вынна кон вōвесн!» Кона квāлс, луве лаглэ нōӈх-āлмуме. «Йиен! — лāви — ам лаглум товын пēлвес». Тӯв мины: ань-мань Кирт=Нёлп- Экв-Āги тӯв ханувм. Ань Кирт-Нёлп-Зкв-Āги ёт ос юв сялтсыг; кит нэ хална ӯнтыс, аниглахтаст, сыпыгхатсэт. Тэст, āстыст; нэгаге-нӯпыл лāви: «Ам ты хуегым; ам нōӈх=квāлнэм-мос Тунра-Сяхыл-Экваг-Ōй- каг āсягум=сянягум-палт ат-ке тотегын: олм пасын ты, сып-лувэн ат осыӈыг саграпиягум. Ты ӯс мире-лутэтыл, ōсетыл, миеэтыл, луветыл акв-мӯс амки мāмна тотэн!» Пуӈке, саме манитас; ёл та хуяс. Акв- эрт хуиматэ хōнтлы, эква лявтнэтэ суйты: «Ань мāнь мāхум ōлнэ си- ранл ты?! Тыгл элаль ōлнэ хотпа экватэ вос мины, ōйкатэ вос хуйи; мана няврамакēгм саватавёг! — Ань мōлал кит элмип касайыл май- ласлум, кēр=хортхан-совыл майласлум, кēр=совыр-совыл мāйласлум, кёр нёлыӈ-мā=тапрись-совыл майласлум, мань сорт-совыл майласлум; таянум тох ты тāра тотыянэ!» Тав эла та хуйи, нōӈх ат квāлы. Акв- эрт хуйиматэ экватэн сёпсялтаве: «Квāлэн нōӈх, юв ты ёхтсӯв!» Нōӈх- квāлы, сяняге=āсяге-пāлт ёхтум. Сяняге-āсяге тав-пāлт лаквме ат вāс, тав ōс сяняге=āсяге-пāлт лаквме ат вāс. Аниглахтсэт, сыпыгхатсэт. Та хурип ӯс та тэлс: хайтнэ тул сылыма ӯнлы, миннэ тул сылыма ӯнлы. Ōлн-кол ӯнтхатас, сорни-кол ӯнтхатас. Эла ōлэгт, эла сюнегт. 18 Тунра сяхл ӯсыт хоса ōлыс, ман вāти ōлыс, акв-мат-эрт Тары- Пēсь-Нимāля-Сов нэгаге-нӯпыл лāви: «Ам нэ миннэ нэгыӈ сāм ōс кинсэгм, хум миннэ хумиц сāм ōс кинсэгм». Сяне лāви: «Эйя! Хонал элм-холас йисыӈ тōрум, нотыӈ тōрум ӯнтхаты: таквсы-лэгын, тӯя-лэгын акв тох тортал та кинсылн!» Аниглахтаст, сыппыгхатсэт, кона квāлс, луве сысн тāлс, минас. — Хоса минас, вāти минас, акв-эрт луве ся- рысь-котильна ёл ты тāратас Ань-мань сярысь=вит-тāра ёлаль ōлн- āви, сорни-ави. Луве тӯв та хулистэ, такви ёла та сялтыс. Ёла ёхты, тот Вит-Хōн-ӯсэ: ōлн-ӯс, сорни-ӯс. Кол-пōхат мāнь кол ӯнлы; тӯв та сялтыс. Мāнь колта вит-сагып сагыу нэ, вит-вёсьп вēсиӈ нэ ӯнлы. Ань-