Мифы, сказки, предания манси (вогулов). - 2005. (Т. 26.)

вēриты, тона ты аласлум». Луве элаль та нёвматс; миннэ тул, хайтнэ тул халэн тэлыгтāвес. [Мōйт мак ялпыӈ мāтэ тыт ты ōлы; экват кона квалэгт, пасан тармыл сялыг ōлн пинаве.] 16 Тары-Пёсь-Нимāля-Сов луве тох минымат акв-эрт ёла ты люли, лāви: «Нёлум сāс-курсипыл мāгегын, кэтагум, лэглагум сāс-курсипыл мāгӈгын, лэгум сырайн тув пēрэлн!» Нёлэ, кāтаге, лэглаге сāс-курси- пыл мāгсанэ, лэге сыраил пёрыстэ. Луве лāви: «Ань тāлэн ам сысум- на!» Луве сысн талые, луве нōӈха лапаяс миннэ тул, хайтнэ тул халэн тэлыгласыг. Тох миныматэн акв эрт ёла ты тāратс, ёла ты пате. Ёл патум мāтэт колыг-сӯмъяхыг ӯнлэг. Луве лāви: «Ваглэн ёла; мйнэн, Кирт=Нёлп-Эква-Аги нирумтэлн, сяне ёл-ойылматвес!» Ювле кос ёман- тāлс, луве лāви: «Ул минэн, тыг йиен! Наӈ тах хотум мори ты но- мылматэгн, эква ты сайкалы, ōлум пасмēн ты; ам нёл=сам-асумнэ еялтэн, тот кāпак* ōлы; та кāпакта хӯрум еярка* аен!» Тары-Пēсь- Нимāля-Сов лӯв нёл=сам-асн юв-сялты, нёл=сам-аст ань-мань кāпак; хӯрум сярка айыс, кона квāлс. Луве лāви: «Ань минэн Кирт=Нёлп- Эква-Āги нирумтэлн!» Колна юв сялте, ань āги кона нирумтастэ. Луве лāви: «Тāлэн молях, ты йиввемēн!» Луве-палт тӯп ёхтс, ань Кирт= Нёлп-Зква кона нэглыс. Луве лāви: «Нэн хот-селтумтэлн, ты йиввем- ēн!» Āги хот-селтумтастэ, молях луве сысын тāлыс, элаль нёвматс Кирт=Нёлп-Экван лӯв нёлэ пӯввес. Лӯв пуӈке нёвматс, ань сāс-кур- сип хот-лэгматс. Лӯв кāтын тӯв лаквыс: лӯв кāтэ нирумтавес, ань сāс- курсипыг хот-лэгматсыг. Тӯвл лӯв-лаглын лаквыс: лӯв нōӈхаль порыг- маме-мӯс ань сāс-курсипыг ōс та лэгматсыг. Тӯвл лӯв лэгн лаквс: кит кāт тагыл тулянэ* ань сырайыл пусн супыг яхтувест. Юил ты нявлуӈкве патвесыг. Ты пӯвавег, та пӯвавег. Луве лāви: «Кāтыт наӈ маныр ōньсегн, мēн ты пӯвавемēн?!» Тары-Пēсь-Нимāля-Сов лāви: «Ам кāтыт нэ-ма- тыр ат ōньсегум». Ань Кирт-Нёлп-Экван ты пӯвавег, та пӯвавег. Луве лāви: «Наӈ манарыг ӯрегн; кāтынт маныр ōньсегн, ат ваглын?» Кāтэн āӈкваты: сāт урп хомситэ кāтэт люли. Ань луве та юныгтастэ; миннэ тул, хайтнэ тул халэн та тэлумтавес. Ань Кирт=Нёлп-Эква лāви: «Эйя Тары-Пēсь-Нимāля-Сов! Аги та тӯлмантаслын; ань Тōрумна та войве- сын, лылын та нэглыс».