Мифы, сказки, предания манси (вогулов). - 2005. (Т. 26.)

āныт акваг товрыт сакваласт; маныр ярумн, мōньсемнэ патсын?» — «Аквум-Эква! Уснэ мāм ты, ёла ат ёхтэгм, нōӈха ат ёхтэгм; матыр сāмна лувум тотвес». Āкве-Экван вāт* хāпга консыгтавēст, супыг сав- мтавест; лāви: «Элм-холас йисыӈ тōрм, элм-холас нотыц тōрм ӯнтхаты; мана элм-хōлас нāӈ тāран пасапи?!» Тары-Пēсь-Нимāля-Сов кос āӈк- ваты: Аквэ-Эква акв-мӯс āтим, такви мāн пате, тот та люли. Лӯве āтим, матыр āтим. «Сōрникве — лāви — лувум хоталь тотвес, тыт ты хōлэгум». Тон ōрумт луве тав сысэт ляги: «Астэн! Ам ты марсемаве- сум, тāлэн сысумна!» Сягтым луве сысн та тāлыс. «Сāт урп хōмсин воелн — лāви луве — юныггэлн āнум!» Сāт урп хōмситэ вистэ, луве акв сёс юныггастэ, нōӈха та лапаяптувес Миннэ тул, хайтнэ тул ха- лэн ос та тэлыгтавес. Тох минымат элын матыр ōс ты курыгтанэ суйты. Луве ёл ты люлис, лāви: «Маныр курыгтаве элын, ваглын?» Тары-Пēсь-Нимāля- Сов лāви: «Ам хотыл ваглум?» — «Ат-ке ваглын, Сāт-Сӯе=Няре-ӯлтта- Хуйнэ-Ōйка торвиньты; ōлум пасмēн ты, вāссыг минуцкве ат пасапи- мēн, ты алавемēн; — мōлал Āквын-Экван матарыл ат майвесын?» Тары-Пēсь-Нимāля-Сов лāви: «Ам манарыл майвесум?» Луве лāви: «Кит элмип касаил ат майвесын?» — «Сōль!» — номысы, — «кит элмип касаил майвесум». Луве лāви: «Минэн, нёлыӈ мā=тапрись-совна сял- тэн, нёл-нярге, паль-нярге яктэлн; наӈ эрыг-ке тотуӈкве лāввесн, мōйт- ке тотуӈкве лāввесн: та вēритэгн; ат-ке лāввесн: ты алавен». Тары- Пēсь-Нимāля-Сов нёлыц мā=тапрись-совн сялтыс, Сāт-Сӯе=Няре- ӯлтта-Хуйнэ-Ōйка пāлт нёлыӈ мā=тапрись-хурил минас Луве тот та хультыс. Ань ōйка лылы кональ тāраты: тав сысы хоталь та āлмаве; лылы ювле харты: нёл=сам-ас кивырна āла ты тӯлаве; ляльт вортха- ты, ворил вēриты. Кит элмип касае логматс, ань ōйка нёл-нярга, паль- нярге хот-яктасаге, сēпн пинсаге. Луве лāви: «Молях йаен, тāлэн!» Луве- нӯпыл хайтыс, сысэн та тāлматс. Лӯв нōӈхаль нёвматс. Сāт-Сӯе-Няре- ӯлтта-Хуйнэ-Ōйкан кос нявлыггавес, луве нōӈх та лапаяс, ат та ёхту- вес Сāт-Сӯе=Няре-ӯлтта-Хуйнэ-Ōйка лāви: «Эйя Тары-Пēсь-Нимāля- Сов! Тōрум хонал, акв хумитэн патнэг, акв нэтэн патнэг наӈ та ōлэгн; ам та хōласум». Тары-Пēсь-Нимāля-Сов тӯвле ляльт лāви: «Хонал элм- холас йисыӈ тōрум, нотыц-тōрум ӯнтхаты, наӈ ётын мана элм-холас