Мифы, сказки, предания манси (вогулов). - 2005. (Т. 26.)

ӯлмын хосаг та хуяслын, Тōрумна нэл тāратавесн, Парапāрсехна* ань нэн тӯлмантавес». Тары-Пēсь-Нимāля-Сов лāви: «Тав кāсэ, вос тӯл- мантытэ! Нэгыӈ мат-хотпа хӯнь ōлы? Нэтал ōлуӈкве ōс ёмас». Акве- Экван тыттувес, айтувес; элаль ōс ты минуӈкве патс. Āкве-Экван кит элмип касаил майвес, кēр=хортхан-совыл майвес, кēр=совыр-совыл майвес, кēр нёлыӈ мā=тапрись-совыл майвес, мāнь кēр=сорт-совыл майвес. «Апыгкве! — лāви, — та минэгн, ювле ёхтынэн порат ты пор- масанум тара ул тотэлн! Āнумн эрегт. Мат ярумна, моньсюмна па- тэгн: āнум сака ул кāстэлн, лāсялакв номылматэн! Ты минэгн, ёлаль сунсэн, сāт нуй-кол* люли; акваг ōс, порысь войкан-уй хурип. Ань нуй=колыт-пāлт ёл тāратэгн, нуй-колытныл сам-пāл мāхум кона нэг- лэгыт, акв пāл сам-пāланл палыг покатымат, акв сам-пāланыл пусыт. Наӈ тот китапен: “Хōцха ōсыт, порсит ӯрегын?” — Тāн лāвегг: “Пā- рапарсех ōсыт, порсит ӯрэв”. — Наӈ тох лāвелн: “Тох ул лāвен! Тох лāвен: “Тары-Пēсь-Нимāля-Сов ōсыт, порсит ӯрэв!” Юил нāиӈ хōн йив, ань-мань Пāрапарсех ōсыт, порсит ӯрегын, лавегын-ке: нāйн пē- ламлавен, Тары-Пēсь-Нимāля-Сов ōсыт, порсит ӯрэв-ке лāвегын: ёмасна патэгын”. — Тӯвл саманан хот-пусмалтэн, лылы-эпынтыл пӯвласэн, кит самыӈыг ю с ēмтэгыт. Тӯвл ōс та минэгн элаль. Сāт нуйыӈ колын ōс ёхтэгын: акваг мис войкан-уй хурип. Ос ёл тāратэгн, тӯв патэгын, кāт- пāл мир кон нэглэгг. Китапиян: «Хō мист ӯрегын? Тан лāвегт: “Ман Пāрапарсех-мист ӯрев”. — Наӈ тох лāвелн: “Нан тох ул лāвен! Тох лāвен: Тары-Пēсь-Нимāля-Сов мисыт ӯрев! Тох ат-ке лāвегын: юил нāйыӈ хōн йив, пēламлавен”. — Тӯвл кāтанл лылы-эпыл пӯвласэн, хот вос пусмегыт. Тӯвл ōс та минэгн, акв мāт ōс сāт нуй-кол люли. Акв- мӯс тэлтал лӯвт. Тӯвл ёл ты тāратэгн, ёла патэгн, лагыл-пāл мир нуй- колныл кона вāӈкегт. Наӈ китапен: «Хō лӯвт ӯрегын?” — Тан тах лāвегыт: “Ман Пāрапарсех лӯвт ӯрев”. — “Наӈ тах лāвелн: “Тох ул лāвен! Лāвен: Тары-Пēсь-Нимāля-Сов лувыт ӯрев; атиӈ-ке — юил нāй- хōн йив — пēламлавен; нан āтим, лӯвт āтим, пуссын тэвен”. Наӈ- нӯпылын ёмас-ке ōлэгыт, лагланл лылы-эпыл пӯвласэн, пусмалтэн! Ань ты минэн!» Ань Тары-Пēсь-Нимāля-Сов луве сысн ти тāлс. Сāт урпа хōмсит ты вистэ; миннэ тул, хайтнэ тул халэн ōс ты тэлыгтавес. Акв-мāт ёлаль кос сунсы: сāт нуй-кол люли, акваг ōс, порсь, войкан-уй хурип. Ань