Мифы, сказки, предания манси (вогулов). - 2005. (Т. 26.)

хōнтхатас; витэн аюӈкве хуяс. Тусыц ōйкан ляльт-āӈкватавес Нōӈх- рохтыс. «Ты мат кулиӈ я тэл! — лāви, — куль ōньси, вит аюӈкве тыт ат рōви». Тӯвл минас, тӯр-яӈк сагрыс, вит аюӈкве ōс хоми хуяс Тусыӈ ōйкан ōс ляльт-āӈкватаве. Ōс лāви: «Ты кулиӈ мат тӯр ōлнэтэ!» Тӯвл Āсэн минас Ас-котьлен пасатас, витын хоми хуяс, тусыӈ ōйкан ōс ляльт-āӈкватаве. Тыгл мāлайи, такви тусэ ис-хоре ляльт-āӈкваты. Āс- витныл айыс, тӯвл юв та минас. Юв сялтыс, лōвасьна ӯнтыс: сӯп āтим, нелм āтим*. Сянен та-кос китыглаве, акв-мӯс ат потырты. Сянэ лāви: «Ат-ке потыртэгн, хӯньта матыр накна патэгн: ёл ул ёхтэн, нōӈха ул ёхтэн!» Āсе лāви: «Наӈ сӯп-нелмтал ӯнтсын; мēн-нӯпыламēн люль номт ōньсегн?» Пыге усь ты лāви: «Ам тусум ты янытыг ēмтме сыс нэ минам нэгыӈ сāм ат та вāмын?» — Āсе лāви: «Ам кон ат квāлегм, нэ миннэ нэгыӈ сāм хот ōлы, ам ат ваглум; наӈ Мā ёӈхнэ хум, Вит ёӈхнэ хум, нэ миннэ нэгыӈ сāм наути та кинсэгн». Тары-Пēсь-Нимāля-Сов пуӈке, саме манигтастэ, ёла хуяс Холыт квāлыс; āсе лāви: «Ёл-равпум лӯв=кол-сāмна минэн, хйлэн. Матыр пи- регн: та пирегн, ат-ке пирегн: ат та пирегн». Пыг та квāлыс, ань рав- пум лӯв кол-сāмна та минас Ань лӯв-люль хилхатуӈкве патс, сēр- мат=квāлыг-овл ты нэглыс. Ань сēрмат=квāлыг-овл ты пӯвыстэ, кона ты хартыстэ: та морс лӯв олум, хōлуӈкве ты ēмтум, тыгле-тӯвле нас погарāлы. Кос=кēр-нялыл самыг халт патамтастэ, лыласаме-мӯс акв пāл нёл=сам-асэныл сӯлтмыл паялтас, акв пāл нёл=сам-асэныл посы- мыл пāялтас Хӯрум тал лувыг ēмтыс Луве сысын нōӈх та порыгмас, нōӈх та лапаяптувес*. Миннэ тул, хāйтнэ тул халэн тэлыгтавес Луве сыс-тармыл тох миныматэ ань Тары-Пēсь-Нимāля-Сов Асын нэглыс Āс-вāтат нюльтаӈ миныматэ, нюльтаӈ-пуӈкыт хӯрум хāпга люли. Акв лӯптанл сōрниӈ лӯптаг нāӈки; акв-мус ларги, самна ат тах- наве. Тары-Пēсь-Нимāля-Сов* номсы: «Катагум а-ман хурипаг, вос лисьсинтанӯм!» Юнтуп=сам-нялэтыл лыстэ, ань лӯпта котьленыл тā- ра минвес Нялэ лыме юи-пāлт ӯлмын ёхтувес Ел оилматвес, ӯлмаи, хōт эква лявтнэт суйты: «Няврамт тоха-ты осьмарлэгг; мā ялэгт, вит ялэгг, элм-холас хуйнэ товле тāра-пāхтаве». Луве сыс-тармыл нōӈх сай- каламет кол=āви-сӯнтга хуйи. Ёла ты ваглы, ань колэн юв ты сялты. Ань мань эква лāви: «Эйя\ Тары-Пēсь-Нимāля-Сов усь та ёхтысын?!