Мифы, сказки, предания манси (вогулов). - 2005. (Т. 26.)

сыг, Хулах-нӯпыл ōс лāвег: «Ялэн сар, сунсэн, мā ман янытыг ēмтыс!». Минам мāтэт акваг āтим, хōтал тох этимас. Ёл-хуйнэ ōрумт Яук-Ху- лах сэмлыг ēмтыма, усь ты ёхтыс. Ōйка Хулахе-нӯпыл лāви: «Наӈ ялнэ мāнт матыр ты вāрсын!» — Хулах лāви: «Ам* маныр вāрсум?! Акв элм-холас сорумн патум, ам тӯвл тэсум, тōна ам сэмлыг емтсум». — «Хунь элм-холас тэсн, акв пāлна минэн! 5лм-холас йисыу тōрм ӯнты- пыл, элм-холас нотыӈ тōрм ӯнты-пыл, наӈ наӈки вōр-уй алуӈкве ул вēрмен, вит-хул алуӈкве ул вēрмен; элм-холас алам мāт вōр-уй келпыӈ кант сымын лэсталэлн; та хōтал тэтал хуен!» Хулах вōрна ты минас, аниӈын хōталыӈын тот ты ōлы. 4 Ань Тунра=Сяхл-колэныл Эква кона квāлы. Юв сялтыматэ ōйкатэ- нӯпыл лāви: «Ōйка, кол-сыста акв ййв-сав тэлум». Ōйкатэ лāви: «Тāре хумле ōлс, тове хумле ōлс, юв тӯлэлн!» Ань йив Экватэн хилвес, юв тӯлвес, ань Ойкатэн хасьсаве: ань-мань ульпа. Экватэ-нӯпыл лāви: «Кона квāлттэлн, акв тӯв тусьтэлн!» Ойкатэ такви акв-мӯс кона ат квāллыг- лāлы. Экватэнтыл ёл хуясыг, нōӈх квāлмет Экватэ āтим. Хоталь ми­ нас, ман-ас ōлы; Ойка кона ат квāлы, элаль тоха-та ōлы. Тох ōлымат нилах-атах сāт кēмыг ты ēмтыс, ты марсемавес Ат кос кон квāлуукве рōви, ты хōтал Экватэ кинсуӈкве кона ты квāлы. Āви-сӯнтна минас; Экватэ кон суйты, лāви: «Ул квāлэн! Ам пыгрись ōньсегм, ам пыгри- сюм лэгын алнэ янытыг ты ēмтс; ам сāт-кēмыл юв ты ёхтэгум, наӈ ул квāлэн кон!» Сāт-кēм кон та ōлыс, тӯвл Эква пыгрисēнтыл юв ты сялтсыг. Пыгрисе хайтыгтанэ янытыг ēмтум. 5 Эрыг хум, мōйт-хум мана хоса яныгми?! Экваг-Ōйкаг эла хōлэг, эла ōлэг. Пыгрисēн вōр-уй алнэ янытыг ēмты. Оссыг=йив-сымныл ёвтыл вāрыстэн, оссыг=йив-сымныл нялыл вāрыстэн; витыӈ пāл, вōрыӈ пāл алысьлаӈкве ты патыс Ōйкатэ лāви: «Пыгмēн маныр намыл пины- ламēн?» — Экватэ лāви: «Агирись-ке ōлнӯв, ам намтнӯвлум; хум-няв- рам ул āсен намтуве!» — Ойкатэ лāви: «Ам маныр намыл пинылум?! Наме ты вос ōлы: Тары-Пēсь-Нимāля-Сов*». 6 Тары-Пēсь-Нимāля-Сов вōрна ты мины. Урыӈ пāл сав сӯмьях тагиньтапты, вōрыӈ пāл сав сӯмьях тагиньтапты; нёхсыг уиг нас рав- пег. Тох ялымат вит аюӈкве тахмаяс Акв мāт палыг овтнэ ян ты