Мифы, сказки, предания манси (вогулов). - 2005. (Т. 26.)

Эрыг хум, мōйт хум хоса хунь яныгми. Алысьлацкве патыс, ӯй кāтн паттыс. 2 Сянягэ āпсияне, Порнэ пыгēнтыл, ёт-тотсаге. Лāви: — Нэн хуēн, ам нэнан пāлн сов тйвырн мāнигтыягум, ул вос пōлявēн, ома. Лап-пантсаге, такви мйнас такви сяне палт, Мосьнэ сяне палт мйнас. Тув нэглыс, сāме ёл-рāгматам колрисьн нэглыс. Нял нал осыт посым нэглы. 3 Сурум сӯнтын нōх-хāнхыс, ёлаль ляльт хуяс хӯлюм вит пӯтсовакве пāйтахты. Пōлямвой лōмтыл тāрматастэ. Āгириськве āрась вāтан хāйтыс, лāви: — Ōмā, пӯтын вōй, пӯтын сахыс! — Тēр йигнамон āӈквынтэм, холла сыслув āги*, вōй тотнэ пыг ат хунь косс ōсьсумēн! Хотты ōвыл самыӈ кульн, хотты ōвыл сӯпыц кульн хотталь та тотыгпавес. Хотыл йим вōй наӈ лāвылтэгн?! 4 Āгирись титынтыг ōс āрась вāтан хāйтыс, ōс рōӈхи: — Ōма, ōма, пӯтын вōй, пӯтын сахыс! Ань сянēн оста рōӈхалтаве: — Тēр йигнамон ауквынтэм, холла сыслув āги, вōй тотнэ пыг ат хунь косс ōсьсумēн... Мось ōлыс, āгирисьвке оста āрась вāтан хāйтыс, ōс аквта лāтыӈ... Я-тэ, ань эква нōх та вōртхатас. Āрась вāтан та лаквтахтас. Пӯтэ ну­ пыл сунсы: сōльпыл войн хулиглыма! 5 Кона кос квāлы, сохрип, āвисӯнтыт пыге ляльт нэглы. Пыге лави: — Соль те ам сянюм, сяквын пасирматэлн, ам йув сыпгасылум, та порат аггэгум. Сяне сякве пасирматас, пыге тыйи нёлувьястэ юв... Акван сы- нумтахтасыг, та сыппыгхатэг. Пыге лāви: — Сōль ам сянюм та ōлмын. 6 Ань та сюнēг, ань та хӯлег. Тайтыг тай совēн тйвыт тув та тоссыг, вассыг хоталь сэтэг. Ань Мōсьнэ āгитэ ёт, пыге ёт ань та сюни, ань та хӯлы.