Мифы, сказки, предания манси (вогулов). - 2005. (Т. 26.)

5 (Торум элмхōласэ ӯргалан мāгыс тамле ном та вāрыглас. Хōтпа хотталь минуӈкве паты, сōпас маснутыл, сōпас тэнутыл та сёпитахты.) 61. ТОРУМ-ŌЙКА АГИЯНЭ, ПЫГАНЭ 1 Тōрум-Ойка āгиянэ, пыганэ ёт нумын, Тōрумт ōлы. Пыганэ яныг- масыт, тāкмысыт, тав лāтӈэ акваг пори тотыяныл*, тав ётэ акваг ворасьлаӈкве потсыт. 2 Аквнакт тав турēн ты ёхтыс, кантмаявес. Сярысь котиль тумпын пасан ӯнтгыс, Сярысь тав витэ акваг пāлыг ōлы*. Пыганэ, āгитэ та тумпын, пасанн тāратасанэ, ӯнттысанэ, ты мос лави: — Номтыӈыт те, лылыян вос нэглэгыт, āти те, тыт и ӯсэн. Такви уральтāлыянэ, тāн тот маныр-маныр вāруӈкве патэгыт. Хотум массамēгт ман āти. 3 Пыганэ, āгитэ номтыӈыт ōлмыт, лылыяныл нэгылттасаныл. Сяр мāнь хумияныл — Тэкӈ-Ōтыр охсар хурыл Лӯи-Вōт ляльт ӯнтыс, ох- сар хольт та рōвкуӈкве* патыс. Лӯи-Вōт акитэныл асирма нёлпа нёлыӈ вōт вōви. 4 Аквмат эртн сōль Лӯи-Вōт та хōяс, акваг нас сивги, нас тисги. Ань сярсяныл витэ лап та пōлясавес. Ань ягпыгт эсянылт пуссын яӈк хосит тōсам мāн та патсыт. Кāсыӈ нэнл, кāсыӈ хумияныл хоталь номтэ патыс, хоталь сыпе ōлыс, хоталь пуӈке ōлыс, тувле та хāйтсыт. 5 Ань нāйт, ōтырт хоталь ёхтысыт, тув та ōлмыгтасыт, тув та хӯлмыгтасыт. Та мāнылт āги сāп сāптāлсыт, пыг сāп сāптāлсыт. Мā кӯсяиг, вит кӯсяиг, тā ēмтсыт, нāйиг, ōтырыг та ӯнтсыт. Тāнныл элаль элмхōлас йисыӈ тōрм та ōлтхатас 6 Ты нāй ōтырт халт сяр яныг хумияныл Тāгт-Котиль-Акиюв та, та ёлыпал āпситэ — Нёр-Ōйка. Мот āпсияныл — Полум-Тōрум-ŌЙ 1 са, Хōнт-Тōрум-Ōйка. Ōс акв апсияныл Āяс-Ōйка — Сяхыл-Тōрум-Ōйка. Сяр мāнь āпсияныл — Тэкӈ-Ōтыр, эсяныл ос — Нярс-Нāй-Эква. 62. ПОРНЭ МŌСЬНЭТЭ ПЫГ ХОТ-ТӯЛМАНТАСТЭ 1 Порнэг Мōсьнэг ōлэг, пыг ōсьсыг сас. Мōсьнэтэ нāйив тотуӈкве мӣнас Тав нāйив тотым ялнэтэ сыс Порнэтэн пыге хот-тӯлмантавес...