Мифы, сказки, предания манси (вогулов). - 2005. (Т. 26.)

59. АМПЛЭГ ЛЮЛИТ ĒРНЫТ 1 Пёс порат Тōрум турман вāрыглāлыс*. Хōтал сāттēмыл нōх ат нэглы, лов хōталыл нōх ат нэглы, этпос ляпатем нōх ат нэглы. Тамле турман вāри. — Я ты, āмплэг люлит ёрныт та квāлапēгыт! — лāвēгг. 2 Хум мāхум* хотталь тэнут тинсуӈкве вōрн минэгт, маснут тин- сым яласэгыт. Ты кӯмыт ань āмплэг люлит ёрныт та квāлапēгыт. Мōсь мāхум палт няврамаквет тӯлмантэгыт, экварисит саватэгыт, āмпыт āтгалэгыт. Та мат талква утыт хурияныл та: пуйсӯнт ат ōньсēгыт, тэнут нас атыньтāлыглыяныл, тувл āмпын та равтасыяныл. 60. ĀЯС-ŌЙКА 1 Āяс-Ōйка — сака няӈра* пупыг. Тав тыглнэг такви пыге алас пыге алысьлаӈкве минуӈкве сёпитахтас Пыге нопыл лāви: — Хōлы* ёт вӯен, арыг маснут ёт вӯен. Пыге лāви: — Ам хосан ат минэгум, акв хōталн тӯп ялэгум. 2 Āсе лāви: — Наӈ сōпас* маснут, тэнут вӯен, вӯен! Ам номылматэгум, эрӈ, люль тōрум вāрēгум. Наӈ тэтāл, маснутгāл сякырлэгын*. Пыге лāви: — Сунсэн, манхурип атыр хōтал, ман люль тōрум! 3 Я-ты, пыге та мйнас Пыге тӯп мйнас, люль тōрмыг та хомха- тас*: вōты, ракви, сяхыл кураты, сāлайи, ōс кураты, ōс сāлайи! Ёмас хōталэ хотталь тахас, хилэпыл āтим. Тōрум тох капыртас, капыртас, аквёрт ты ротмалтахтас. Ань алысьлаӈкве минам хум та кос ӯраве, та кос ӯраве, ат ёхты. Юйōвылт тинсуӈкве та патсāныл. Хоса тиссāныл, ман вāти тиссāныл, аквёрт ты хōнтсāныл. Насати тав пōлима, сякырлам, нāй пāлтуцкве ат вёрмум. 4 Ань мāньси хōтпа туйи ман тэлы, хотталь алысьлаӈкве минуӈкв паты, та лāваве: — Наӈ арыг тэнут, арыг маснут ёт вӯен. Мана марум турап хōтал вāри, тэтāл хомос яласэгын. Тōрум такви пыге ат сāлитас, нац ос хо­ таль суйтэгн.