Мифы, сказки, предания манси (вогулов). - 2005. (Т. 26.)

Акваг рēгтыглавēсыт, ёл-лāсямтасыт, лāвēгыт — Апыгкве, холытан ос мāныр пись хōнтэгн? — Ам тай, — лāви, — хōнтэгум! Нāн, — лāви, — вōрт манах ӯй ōлы, ты хōтал пуссын алэлын! (Алуцкв номылматсанэ, тона та тох лāви.) Мāколӈ ōйка юв тотэн, янгуй тотэн, вōр сāлы тотэн, вор кати тотэн, вōр āмп тотэн! (Тый сака тыныӈ ӯйыт, тайи мāгыс.) Тайиянā те тотэгын, ам та коныпал кāс вāрēгум. Тыйи ман кāс! 13 Я, тāн та минасыт, лāвēгыг. — Мāн тай ат хунь хōнтэв, вōр янытэт сыныгтылув. Вōрн ялсыт, сэмлуй, выгруй аласыт. Няланыл палт мāгум утаныл — няланыл палт, ёвтаныл палт мāгум утаныл — ёвтаныл палт. Каныӈ пāвыл кананылн нуйтāл тох тотыяныл. Иийиманыл āви сӯнтанылн ёхтысыт — акванл кон рōӈхувлы: — Сāс-Лōлапол, ӯ-хӯв! Ань сэмлуй, выгруй та лайвес! Ōс суйты: — Кāтра уй вōӈха, ӯ-хӯв! (Кāтра ӯй вōӈханыл квāлум хум, эрттам тамле та: Сāс-Лōлапола-Сāснёл.) 14 Юв сялты, сāӈквылты, сāртн сялтум хум хӯнтлы: матыр лясгалта- ве, сāӈквылты, ййкви. Ёлаль та āӈкваты: акв лāглуп Сāс-Элюмпут ййкви! Я-тэ, та куратасыт! Титыглаве: — Апыгкве, манарн повартгāлэгн? — Наӈ ёлаль сунсэн сар, Сāс-Элюмпӯт ййкви! Ань коны пāлт сӯйты: — Сāс-Лōлапол, ӯ-хӯв! Кāт патта рāты та поргалтахты Сāснёл. Юн ōс рōӈхалтахтас: — Сāс-Элюмпут, ō-хōв! 15 Ань утыт та рагсыт. Нāӈкйив ōлтмаӈ коланыл сэй нāмпыр, хис нāмпыр та тотсаныл. Ань сэмлуй, выгруй та нуйгалэг. Акватэн ӯсын ялыс, вина вис, хоталь ōлн тэнут вис Ань ййквнэтэн ōлы, та аёг, та тэгыг! Вассыг матыр сав хунь? Наскассыг мāхманэн та рагсыт. Тāн насати пилнэ мā ōс ōсьмыт. Ань та сюнēг, ань та хӯлэг.