Мифы, сказки, предания манси (вогулов). - 2005. (Т. 26.)

Ань нэ нāй-ōтыртāл хунь ōлы, ӯргалаве. Тэн-Айнут тав ляпатэн ат юв. Ляпаннув те ёхты, мулы сāмпатга та лятаты, нас хāрси! Ань Тэн-Айнут āви сӯнтт тот та хōйи... Аквмат эртн йти матыр та пōкатаптыматэ суйты. Ань «Шуш эт» лāвум ут та лупатас. Ань нэ холытан нōх-квāлыс, сунсыглахты: колкан котильт итгырма хуйи, пāлыг сāграпйма! (Пёс мāхум лāвēгыт: «Мат пораг ёмты, иттырма кулиг квāлы». Тох та ōлнэтэ.) 58. АСЫӇ-ТЕРЫӇ-МЕӇКВ-ПЫГРИСЬ 1 Асыӈ-Тēрыӈ-Мēӈкв-Пыгрись ōлы. Мёӈквытын ōньсяве. Мāхманэ сэмлуй, выгруй тотэгыт. Акв хōтал ōлы, элмхōлас хот-тыпыс. Вōрт ялыматэ, тувл Асыу- Тēрыӈ-Мēӈкв-Пыгрись палт тув-хōнтхатас, лāви: — Апыгквē, акиян мāныр мутра ōньсēгыт? 2 — Тāн, — лāви, — мāныр мутра* ōньсēгыт? Акв няӈра сяхыл хасьматы, сяӈси ялнэ мāныл ялэгыт. Каткасы хурил вāрхатэгыт, ййв сым тйвырн сялтэгыт (Тайи мāгыс ань сяхыл порат йӣвыт та саква- тāвет. Элмхōлас яныг йӣв тытн тайи мāгыс ат та тāратаве.) — Та вāрмале та. Ос та коныпал хотыл пилэгыт, ман āти? Наӈ тах титыглэн, — хум лāви. Тав (тытем яныт) мāнь сāӈквылтап вāрапас, хӯрум тāныл хартыстэ, та сāӈквылты, та ййкви. — Я, тōвлы, — лāви. — Аки, мйнэн, мāхманум тый ёхтэгыт. Хо- лыт ōс ёхтэн, сака пӯмась! — пыгрись лāви. 3 Ань мāхум та куратасыт. — Я, апыгквē, тэнут вāрсын, ман āти? Акиянэ элыпāлн люлюмтас, та сāӈквылты, та ййкви: «Хатль хальты ям кāшием, эт хальты ям кāшием*, прутльта: тэӈ, тэӈ!» Ань хōнтыглым пыгрись — āс хум, āс лāтӈыл ōлы.