Мифы, сказки, предания манси (вогулов). - 2005. (Т. 26.)

5 Саханэ, мāйтанэ, сыманэ, сāцквāхвтасанэ, хоталь ōлн сяцкватэ акваг лāкква лоньхатасыт, лāкква мāн лōӈхаль нāтвēсыт. Тумпыг ēмтум утэ тумпыг ēмтыс, мāгыг ēмтум утэ мāгыг ēмтыс. Ōлттумп пāвыл алыпāлт хӯрум тумп акван ōлтхатым ōлэгыт, тай тав сымēныл, мāйтэ- ныл, сāцквāхвтасагēныл тэлум тумпыт. 6 Сōпак лōмт алыпāлт мāнь тумп, тай Мēцкв-Ōйка тав уля хӯрге тув нāтвес. Уля-Хӯрыг-Тумпыг лāваве. Сōпак лōмтаге ос та лӯйипāлн ропимаг. Акватэ лāваве Яныг-Сōпаклōмт пāвыл, мōтанэ лӯннув, лāваве Мāнь-Сōпаклōмт. Ты пāвлыг намыг. Ты пāвлыгт сас войкан сэйыц нильтац лōмтыг ōлэг. 7 Мēцкв-Ōйка пēсьлуве нāтвес, ос Яныг-Сōпакломт алыпāлн роп- вес, тувыл ёмтыс хоса вōль, лāваве Пēсьлув-Вōль. Тāгт-Котиль-Ōйка ялыглацкве ēмталам, Мēцкв-Ōйка Тāгт-Котиль-Ōйка-Мāнь-Пыг нялн тох та пулиг маныгтавес. (Я мин, ōс эссыгхатэн, āцквенон!) 56. НАС ЙИС ПОТЫР 1 Акв ōйка ӯсын мйны, этэ мйны, хōталэ мйны. Аквмат хӯлытэ, суйты, хотгы матыр матыр лāвнэтэ суйты. Эгпос тулн лап-тотаве, тав лāви: — Нōх-вусилā! — āс лāтӈыл те. — Нōх-постыглэн! Ань ōйка акваг ляпан та лакви, та лакви. Аквмат эртн этпос осн та нэглыс, сунсы: акв матыр юнсхаты, вāяге юнтсы. Тав насати ӯсын ялум. Тав насати Мēӈкв, алам сэмл ӯянэ, выгр ӯянэ пēнтуӈкве ӯсын ялум, тэнут ёвтуцкве, маснут ёвтуцкве. Тав миныматэ нāӈк сӯл вāяге хот-хасьлумыг, юнтсыяге. 2 — Аким ōйка, — тыйитэ лāви, — нац ваягн ам юнтсыягум! Нац мāныр ёвтсын, маныр сэлсын? — Ам, — лāви, — маснут ёвтсум сāт хум мāгыс, сāт ветра вина висум. — Тэнут ос ёвтсын? — Ёвтсум, сяй висум, саккар висум. Хоталь ōлн мāгц тэп ёвтсум. Я, ӯлумтāл лӯттал сунанум ты хартыянум. Этэ, хōталэ хартэгум, сама- гум сяр постал минэг, ёспорум* пуптуцкве ат вēрмēгум. 3 Ань апыгтётэ лāви: — Ам пуптыгпилум!