Мифы, сказки, предания манси (вогулов). - 2005. (Т. 26.)

Ань хбнтыг ёхталам утыт рохтысыт, сысы та патгапахтасыт. Ань та минэгыт ёхталам асанылн. 55. МĒӇКВ-ŌЙКА 1 Тāгг-Котиль-Ōйка āрась вāтат ӯнлы, исылтахты. Тох ӯнлыматэ мāнь пыге юв ты нэглапас, лāви: — Āтя-āтя, Мēӈкв-Ōйка ты юв, Тāгт котьлēныл сусытэ, пуцте каре ййвт нумпāлн нэглы, ты мое эссыгхаты, лāви: «Тāгт-Котиль- Ōйка — порыгпан эква, лӯсхал эква ам тах лāгл патгал няксятаптылум, хотты туляхал тāра пасьраты, ат иӈ хӯлыглылум!» Тāгг-Котиль-Ōйка пыге нопыл лāви: — Наӈ ул пӣлэн, ляпан ӯрēлн. Пыге кональ та тахас Тав тай роттыг та ӯнлы, исылтахты, номт номсы, тумай пāйты*. 2 Ань пыге осты юв нэглапас, лāви: — Атя-āтя, янёл тапал пāсн тав ты ёхтыс Асе лāви: — Наӈ ул āпрамтахтэн, ул пӣлэн, ёмсякв ляпан ӯрēлын. Пыге ōс кональ та тахас Ань ōйка эла ӯнлы, ат нёвумты, ат ма- нари. Мāнь пыге хӯрмитгыг юв āцкватас, лылы āти, лāви: — Мēӈкв-Ōйка янёл тыпāлн та патыс! 3 Тāгт-Котиль-Ōйка пыге нопыл пёрыгтахтас, лāви: — Мēӈкв-Ōйка акв нёвыль пӯллōмт ōньси няхсям паттатэт. Нялн наӈ ёмасякве тув пōстэлн, тав рагаты! Пыге кон та хассумтахтас, Тāгт-Котиль-Ōйка хӯнтлы: пыге нялэ та тāратаме суйты, ёвт янтуве та миратāлме суйты. 4 Ты кӯмт ань Мēӈкв-Ōйка та рōӈхалтахтаме суйты: — ӯхыр-ӯхыр! Āс лāтӈыл* ты лāваве: «Карыс-карыс!» Мēӈкв-Ōйка нялн хōйвес, рагатаме мос рōӈхалтахтас, ты мос я покапас. Охыр-Сӯнтыг лāваве, тав рōӈхувламе сирыл. Ёл-налкатаме мос энтапе хот-ойматас, я тит нопыл рагатас, тит ягыг овумласыг, лāвавēг Энтап-Овл-Ягыг. Тэн я титпал мос сяр аквто- рыг ōлэг, аквляльт сунсэг. Тōн лӯйипāлэнтнув ōлы мōт я, лāваве Люль- Намп-Я. Тай Мēӈкв-Ōйка рагатаме мос мон* супе тувле хосувлахтас, ӯча я овумлас