Мифы, сказки, предания манси (вогулов). - 2005. (Т. 26.)

Тувл та тахамтас, лув нёл супыг та сāграпастэ, сырай сысыл та пувтмахтас, сып пуцкыт та патыс. Пāг патыс, вāяге нопыл ōс лāви: — Āнум ты тотнэ, та тотнэ мāн ат те тотылын, совын, котын нуйнэ мана ӯйыг! Тахамтас, лув лэг супыг сāграпастэ. Пувтмахтас сьфай сысыл, сып пуцкыт тот та патыс. 6 — Ты тахамтан мāмн āнум ат те тотылын, совын, котын нуйнэ мана ӯйыг! Тувл та тахамтас, лув котьлёныл супыг та сāграпастэ. Тувл акван та пӯхтысыг таитэнтыл, хоса кайсыг, вāти кайсыг аквмат эртн таитэ та аластэ. Я тапал нупыл сунсы: акит ōйка акв хум ёт алхатэг. Тав номылматас: «Аким ёл вос патгалануве». Акит ёл та патгӯвес. Ёл-паттӯвес, сырай охсатэ палт ты тотāве. Апге номылматас, тыгыл ань нял та тāратас, ань тувыл ōлнэ хумитэ эл та лāплувес... — Аким ōйка, — апге лāви, — мōлхōтал ам ты лāвēгум, нац кон ул квāлэн. Ам те āтимум ōлсум, нац тот алнӯвен. 7 Апге тайиянэ та нявлыггасанэ, ёхтысанэ, та аласанэ. Ёл хуяс, ӯлмайиянэ: — Мāнав нōх-сāгрēн!* Нōх-квāлыс, улал та сāгрысанэ. — Тэлы хōтал вāри, суныл ялнэ хум, туи хōтал вāри, хāпыл ялнэ хум ул саватэн! Ам нāнан хурил вāрсанум, — апге лāвыс. 8 Тувыл акитэнтыл та минмыгтасыг, Лōпхōвл пāвылн та ёхтысыг, акв хумитэ пāг та квāлыс, вит ляльт сунсы, тӯрт хурум хотац уйыгтогыт. Тав та лаквхатас, та лаквхатас тув, аква сырай сысыл ёл та понигтас- тэ. Хотац лāви: — Йыгнтэм, āсьнтэм пыг, нац кāтн ёрыг ēмтыс, лāглын ёрыг ёмтыс, Хотац Лōпхōвл пāвыл сāт ягпыганум ōлэгт! — Совн, котн нуйнэ мана ӯй! Тувл тав та тāрматастэ Хотацэ, та мйнас Хотацэ. Лōпхōвл мāхум ягпыганэ пӯрлахтуцкве минāсыт. Нёвль уртуцкве патсыт, мōтанн, мōтанн та кос лāвēгг. — Вōйыц нёвыль уртнэц хум* тыг вос ёхталы. 9 Аквмат эртн сунсэгыт: вōртōлн ōйка ёми, суснэ мāхум сунсэгыт*.