Мифы, сказки, предания манси (вогулов). - 2005. (Т. 26.)

āсюмн номтум хосаг те лāввес, ты няр кувысь лэгумн тыг вос мāньм- тāве!» Лāкер оста тагматас кувысь лэгн. Тувл юв мйнас акияге āкваге палт. 3 Хоса ōлыс, вāти ōлыс, ōс нял вис, ёвт вис Ōс тув мйнас, тув ёхтыс, мāхманэ тох лāвēгыт: — Сōрниӈ-Пирва-Люлит-Ōтыр мāнь пыгув та ёхтыс, ōс лāкēрл тāратылув. Тувл лāкēрл тāратавес. (Тав талквакве ōлыс, таимāгыс пирваг лāввес.) «Нуми-Тōрум āсюмн эрыг тотуцквё те, мōйт тотуӈквē те лāввēсум, няр кувсь лэгумн ань лāкер тыг вос мāнюмтāве», — ōс номылматас. Лāкер тув мāнюмтāвес. Тыгл ань тав тувле тāратытэ. Ань хōт кӯсяяныл ōлыс — ёл та сэгмтāвес. Тēлпыӈ полх сальгим нōх-люлис, лāви: — Эй-я, Сōрниӈ-Пирва-Люлит-Ōтыр, āсин тох та янмалтавēсн! Тав нэматр ат лāвыс. Акияге āкваге палт юв мйнас. 4 Хоса ōлсыт, вāти ōлсыт, аквмат эртын кон хōнтлуцкве та патсыт. Аквмат эртн эрыг хум, мōйт хум та хāйтнэтэ суйты: — Āстэн, аки, квāлэн, ам тулёвланум ты пасапāсыт. — Йыгынтэм, āсинтэм пыг, ос мйнэн, хоталь молямлэгн! (Пёс мāхум тох та, лявтуӈкве ат хассыт.) Ōс та мйнас аквта мāтэн хōнтлуцкве. Акитэ хӯнтлы, эрыг хум, мōйт хум осты хāйтнэтэ суйты, акитэ ōс вōвитэ. — Йыгынтэм, āсинтэм хум мйнэн! Ам иӈыт āстэгум! — акитэ лāви. Тав апге ёр āрталы. 5 Аквмат эртн ты йинэтэ суйты апге, лāви: — Ам та оймыгтасум, ат та вёритасум, тулёвланум ты пасапасыт. Акияге āкваге лāвеп — Та яныт ёмас вāрен, мосьсян ӯрмыгтахтыглэн. Тав ёл-ротмыс. Акв экватэ вис лох патгатэныл лахыр,* акитэ вис сырай. Тувл акв экватэ вис яӈк кот вāйыг. Апге таиянэ пуссын нōх- массанэ, сып пуӈкын люлис, лāви: — Йыгынтэм, āсинтэм вāйыг, ты тотнэ мāн āнум ат те тотылын, совын, котын нуйнэ мана ӯйыг!