Мифы, сказки, предания манси (вогулов). - 2005. (Т. 26.)

Экваг ōйкаг лāвēп — Рӯтан наӈ мāнт, юи мāнт ōлэгыт. Эквагē ōйкагē мāнь хāпыл майвес. Экваг ōйкаг лāвēп — Тый эт пāг ул пӯхтэн, акваг тāра мӣнэн, атиӈк ёхтāвен. Ёмас- пал нупыл сэмыл витуп я квāлы, тувле товен. Мāтен тувле та ōлы. 21 Пыгрись ōсъёмас ӯлум вāрыс, хāпён тāлыс, та мйнас. Та тови. Хоса, ман вāти товыс, аквмат миныматэ сэмыл витуп я сӯнтн ёхтыс. Тāгт-я сӯнтэн ёхтыс, ятэн сялтыс, алгаль та мйны. Хоса ман вāти мйнас, аквмат мат миныматэ элаль сунсы: Тāгт хосыт хāп йинэтэ нāӈти. Хāп ляпан ёхтуцкве патыс, пыгрись пāг пӯхтыс, вōрн тӯйтхатас. Хāп тав торгылэ ёхтыс, акв хум суйты: — Пāг пӯхтэв, тыт элмхōлас пāг минаме нāӈти, тинсылув. 22 Тāн пāг пӯхтысыт, та тинсуӈкве патсаныл. Тиссаныл-тиссаныл, хōнтсаныл. Насати Пāкв-Пōсы-Войкан-Ōтыр-Касе тав āпситэ. Тав яг­ пыге тинсуӈкве мйны, тыг тав ёхтыс. Ань пыгрисякве āсе ягпыгн хасьвес, титыглаве: — Наӈ хōт ōлсын? Āсьн хōт ōлы? — Āсюм Āс-Ōтырн алвес. Ам Āс-Ōтыр палт ōлсум. — Сяньн хōт ōлы? — титыглаве. — Āс-Ōтыр палт ōлы, — пыгрись лāви. 23 Āс-Ōтыр ӯсын минāсыт. Тув ёхтысыт, пāг пӯхтысыт. Пāг тый минуӈкве патсыт. Пāкв-Пōсы-Войкан-Ōтыр-Āпситэ ёвт, нял виӈкве ат кусы. Мире нупыл лāви: — Ам мирыл мāныр вāрēгум, татем ӯс. Амттем минэгум. Ам ёвтыл, нялыл мāныр вāрēгум, тытем ӯс Тав товнэ тӯп вис, пāг та мйнас. Пāг мйнас, ӯс аквпāлэ тӯпыл витн та равтасастэ. ӯсыт ōлнэ мир люньсюӈкве та патсыт. Пāкв-Пōсы- Войкан-Ōтыр-Āпситэ лāви: — Мōлал каӈкум алмын пōрат, нэмат хōтпа ат люньсис! 24 Пāкв-Пōсы-Войкан-Ōтыр-Āпси ӯсыт ōлнэ мир пуссын аласанэ, витн нāлув равтсанэ. Āс-Ōтыр тӯпыл юныгтастэ, самаге норын хану- вясыг, тот сунсэг, аквтох сунсэг. Ань хум акв кāт пāлэ, акв лāгыл пāлэ тāрвитыӈып экваг ōйкаг тэн тув пӯхтумыг. Тэн лāвēг: — Мёнмēн ул алэлн, таяныт ёмас вāрен. — Ам нэнан ат алыягум, — Пāкв-Пōсы-Войкан-Ōтыр-Āпси лāви.