Мифы, сказки, предания манси (вогулов). - 2005. (Т. 26.)

17 Аквнакыт няврамыт пыгрись нупыл лāвēгыт: — Нац ёр лāгыл ты ōсьмын, ёр кат ты ōсьмын. Асьн пуцксове āс котиль тумпыт, нāцк талихт манрыг ханы?! Ер ты ōлмын, āсьн алым порат ёрн хоталь тотыгласлын?! Сяне палт ёхтыс, сяне нупыл лāви: — Няврамт тох ты лāвēгыт: «Нац ёр ты ōсьмын, ос āсьн алым порат ёрн хоталь тотыгласлын?!» Сяне лāви: — Āсьн тый — Āс-Ōтыр. Тав номсы: «Асе соль та — Āс-Ōтыр». 18 Мōт хōталыг ēмты, ōс аквта пись. Ёнгуцкве патёгт. Тав те тӯр лāвк лыг, акваг итыцысь мӣны. Мōтант лыгыт, лāкв вāггалсь мӣны Āс-Ōтыр няврамыт лāвēгыт: — Нац ёр лāгл тый ōсьмын, ёр кāт тый ōсьмын, āсьн алым по­ рат, ёрн ос хоталь тотыгласлын?! Асьн пуцксове āс котиль тумпьп нāцк талихт манрыг ос ханы?! Сяне палт ос та мйнас. Сяне палт ёхтыс, лāви: — Няврамт тох тый лāвёгт: «Ер тый блмын, ос āсьн алым порат ёрын хоталь тотыгласлын?!» Сяне лāви: — Ул хӯнтлэн. Асин тый — Āс-Ōтыр. 19 Хурмит пёраманиг та ёмтыс. Оста ёнгёгт. Лāкв лыгыт. Тав те лыг лакв итыцысь мйны. Мōтант лыгыт, лāкв вāгтāлсь мйны. Няврамт лāвēгг: — Нац ёр тый ōлмын, асьн алым порат, ёрн хоталь тотыглас­ лын? ӯ с ёлыпāлт экваг ōйкаг ōлэг. Пыгрись номсы: «Экваг ōйкаг палт тув ялэгум: няврамт лāвēгт, эрттам, ам āсь ōсьсум, āсюм алыма. Сянул лāви, эрттам āсюм лылыц. Тāн хотгютанл вёськат сирл потырты, ат вāглум». 20 Экваг ōйкаг титыглацкве та мйнас Экваг ōйкаг палт ёхтыс, ти- тыглахты, лāви: — Аман сōль ам āсь ōсьсум? Экваг ōйкаг лāвēг: — Сōль, нац āсь ōсьсын. Асьн ты Āс-Ōтырн алвес. Пыгрись тэн нупылэн лāви: — Анумн хāп маēн, ам āсюм мā нупыл ювле минэгум. Аман рӯт ōсьсум, аман āти, ам тисхатэгум.