Мифы, сказки, предания манси (вогулов). - 2005. (Т. 26.)

5 Сāныт, вотат та кос сакватыянэ, нэтэ тавēн хунь хӯнтлы. Нэтэ хот-люньсялтахтас, лāви: — Войкан витуп тэпыӈ Āснā те ёхтынувум, тōрум хōтал ōлнэ ёмас юрт вēк хōнтнувум. Тэлы тэн пыгрисякве кāтн патгысыг. Ōйкатэ хот-сягтыс. Тавēн нётмилыг тах ты ēмты. 6 Хӯрмит тӯяг ты ēмтыс, яӈк нāтнэ пораг ты ēмтыс. Экватэ аквта пись, акваг лōӈхаль вораты. Хоталь ōлнэ сāн, хансаӈ сāн, эляӈ сāн акваг та вāри, та вāри. Та мāсьтырлы, та кӯри, нас āпырлы*. 7 Ōс ты ōйкатэ нупыл лāви: — Наӈ хурипан хумн тӯр тэп, āс тэп пинуӈкве маныр ёмас сāнквет. Ōйкатэ нэмат хотум ат лāви, ат суйтыглы. Сӯп āтим, нēлм āтим. Тав нэтэн номтэ ты хулигтавес!* Тувл лāви: — Аман сōль ялымēн. Наӈ мат кāсн. Хунь ос ялымēн. 8 Аяӈхум пыганэ пор вāруӈкве лāвсанэ. Аяӈхум пыге сāт атпан колна тётытэ, мāхум атуӈкве тēтытэ. Касе палт ōс тётытэ, касе ат юв. Āяӈхум пыгн мāхум пуссын атвēсыт. Тит ййв ōлтум пор сёпитавес. Пор āстыс, тāлтхатасыт. 9 Лōцхаль талме порат, Вāӈкыр нёл пуӈкēт аман хōтал покапас, аман этпос покапас. Матыр та суртги. Насати, ты Пāкв-Пōсы-Вой- кан-Ōтыр-Касе Вāӈкыр нёл пуӈкēт та нэглыс. 10 Пāкв-Пōсы-Войкан-Ōтыр-Касе эква нупыл лāви: — Пāкв-Пōсы-Войкан-Ōгыр хотталь миннэ мāн та тотылн. Миннэ мāнынт ōйкан те алаве, вассыг ты мāн нац ул нэгылтгахтэн! Та мин­ нэ мāнн акваг та минэгн! 11 Я-ты, та минāсыт. Этэ минэгт, хōталэ минэгт. Хоса мйнаст, ман вāти мйнаст, аквмат эртн тумпын ёхтысыт. Экватэ ōйкатэ нупыл лāви: — Хӯлэв. Мāхум ӯсьсыт. Хуюӈкве патсыт. Ōйкатэ мāхманэ нупыл лāви: — Ӈāн хуēн, ам эт ӯрēгум. Экватэ лāви: — Наӈ хуēн. Наӈ рӯпитасн, вāггāл патсын. Ам нас унлысум, эт ам ӯрēгум. Ōйкатэ лāви: — Наӈ, эрӈ, ёл-ойылматавен, эрӈ хōнтын ёхтавēв.