Мифы, сказки, предания манси (вогулов). - 2005. (Т. 26.)

4 Мāн тōва мāньсиянув Мувыӈтес пāвылн хуньт ōс элыл ёхтысыт. Сōргахта сāт ōтыр, Ялпыӈ Хулюмсӯнт сāт ōтыр тāн тыг Лӯссум тали- хыл ёхтысыт. Тāн сака няӈра мāхум ōлсыт. Кāстыл эрганылт лāвавет: сāт я хāхтум, хōт я хāхтум сāт ōтыр. Тāн тагапан мā нэмхōт ат хōн- тыгласыт, сака няӈра мāхум ōлсыт. Тāн тāнти нōх-патыгласыт, мāх- маныл ӯргалāлсыт. Тāн таимāгыс нāй-ōтырыг та войвēсыт. Ань тыг мус та хӯтахлāвет Хōслōх, Лōпмус мāхумытн. Сака ётылнуве Мувӈтес пāвылн Саня яныл мāхум ёхталасыт. Тāн рӯтаныл санянпыгыг лāввēсыт, сянянпыг рӯт. Мāхум тох та халанылт салтсахтыгласыт элы мāныл, ляпа мāныл. 50. ПАКВ-ПŌСЫ-ВОЙКАН-ОТЫР 1 Пāкв-Пōсы-Войкан-Ōтыр ōлы. Тав лӯйыл, улпыл, нэ ōньси. Нэтэ акваг лōӈхаль вораты. Тав акваг хансаӈ сāн та вāри. Сāс нуйи, сāнанэ хоталь ōлн лāглыӈ ӯй, хоталь ōлн товлыӈ ӯй хансал та хансыянэ. Вота юнты, сāн юнты, хумитэ элыпāлн та ӯнттыянэ. 2 Ты мос лāви: — Наӈ хурипан хумн, Пāкв-Пōсы-Войкан-Ōтырн, тӯр вōй, āс вōй пинуӈкве маныр ёмас сāӈквет, маныр ёмас вотаквет. Ōйкатэ сāнквет выганэ, эл сāӈквасыянэ, вотаквет выганэ, эл на- румтыянэ. Лāви: — Ам тӯр вōй тāйим ат яныгмасум, Ас вōй тāйим ат яныгма- сум. 3 Нэтэ тав лāтӈэн ат хӯнтлы. Титыт тӯяг ēмтыс, тав ōс та коныпал ёмас сāныт вāри, акваг лōӈхаль та вораты, лāви: — Наӈ хурипан хумн, Пāкв-Пōсы-Войкан-Ōтырн, тӯр вōй, āс вōй пинуӈкве маныр ёмас сāнквет, маныр ёмас вотаквет... 4 Пāкв-Пōсы-Войкан-Отыр сāныт выганэ, вотат āлмайиянэ, пуссын пулиг маныгтыянэ. Тымос лави: — Ам тӯр вōй тāйим, āс вōй тāйим нёвлюм ат яныгмас, лувум ат яныгмас. Ам тӯр тэп, āс тэп ёрыл ат яныгмасум. Сōруп* нёвыль тāйим лувум яныгмас. Сōруп нёвыль тāйим нёвлюм яныгмас.