Мифы, сказки, предания манси (вогулов). - 2005. (Т. 26.)

47. [МУВЫӇТЕС ПАВЫЛ НИЛЫТ СУЕ, НИЛЫТ ЛЯӇХЕ] 1 Тӯяг вāс алн порат акв Āс ōйка вāс алысьлаӈкве мйнас. Сӯнсы, тӯя вит капайт тāрыӈ лӯтыӈ яныг лӯписуп ты нāтнэтэ нāцти. Ляпан- нув ёхтыс, сунсытэ тав хотл йим лӯпи! Насати тāгла тāлым хāп ка­ пай. Хōт я хāхтум, сāт я хāхтум сāт ōтыр тāн товасāлэгт. Ань ōйка хот-рохтуптахтас. 2 Яныг хумияныл лягалас — Нац мāнав пупгыг тōрмыг те ваглын, мāн наӈ кāтн ӯргалэв, наӈ лāглын ӯргалэв. Āнь ōйка кāсасяс, пāг квāлапас, йив яктапас, улал та сāгрысанэ. Тāн элаль нёвумтасыт. Пōри посал хосыт та мйнāсыт. Тāн тэпыц ви­ туп, хӯлаӈ витуп Тāгтаныл койнэ номтын патвēсыт. 3 Тāгтанылн ёхтысыт, янн нэглум хара нёл самылггасыт. Тув пāг квāлсыт. Та хурип ӯс вāрнэ хурип, пāвл вāрнэ хурип хара нёл! Ты ӯнлум нёланылт, ты хӯлум нёланылт тāн сāт хум сāт нāукйив сув тӯсьтысыт. Та тӯсьтум суваныл нāӈкйив сяхлыг яныгмасыт. Тот нāӈк- сяхыл тэлыс. Та мā нёл мāньсит пӯрлахтын каныг ōлыс. Ань русит ёхтысыт, акваг тōпналтавес мāкве. 4 Та сāт ōтыр Мувыӈтес пāвыл мос хāхсасыт. Мувыӈтес мāхумн Сōргахтан лāвсувēсыт, тот ōлсыт... Тāн акв эсяныл Хōнт-Тōрум-Ōйка палт ты ялыс Тāн ōлум мāныл Сōргахтат Ялпыц Хулюм* сӯнтыг лāваве. 48. [МУВЫӇТЕС ПАВЫЛ АТЫТ СУЕ, АТЫТ ЛЯӇХЕ] 1 Ты ляӈхе тох ты ōлы. Мувыцтес пāвылт акв эква пыг ōньсис Пыге кāляси хум ōлыс Таи мāгыс тав Патум-Пирва-Люлит-Ōтырыг лāввес. Топ тав сака осьмарыӈ хум ōлыс, кāркам ōлыс, номтыӈ ōлыс. Тав ёсаге вōнтыр совыл ханлым ōлсыг. Та ёсаге сака лаквупāг ōлсыг, мāтэ молях холтыгпāлыстэ. 2 Ты хум Хāльпӯс ōвылтахтам пора ляпат ōлыс Тōнт колас нэглыс, тот нянь вāруцкве патвес. Мāхум Патум-Пирва-Люлит-Ōтыраныл та ӯсын нянь мāгыс тēтыглāлсаныл āгмыӈ хōтпан тэцкве. Тав татем та молях ялапāлыглас, няр мольсяцсове пӯтит исум няне тох юв тотыг- пāлыстэ. Акваг ты хум ӯсын тēтыглāлвес. Аквмат накыт оматэ ты хурухлаӈкве патыс, хоса мāн ӯсын акваг тав пыге та тēтāве.