Мифы, сказки, предания манси (вогулов). - 2005. (Т. 26.)

Сāнанэ ōйкатэн вивет, пōх ēрн осгасаптāвет. (Тав Асн ялуӈкве ат кāсаси.) 6 Мōт тӯя вāри, нэтэ оста аквта хольт ōйкатэ пōйкитэ, Āсн касил- тытэ āс вōй, āс хор вāруӈкве та касилтытэ. Тыт тӯяг ос пыг кāтн патгысыг. Нэтэ лави: — Няврам тэнэ мāгыс, няврам ёрамтахтын мāгыс ёмас тэп, ёмас вит эри, тāл кастыл Āс тэп эри. Юйōвылт ойкатэ та кāсасяс. Āсн та минмыгтасыг. 7 Хоса ман вāти минасыг, Āс вāт Хӯлаӈ Тумпын та ёхтысыг. Экватэ лāви тыт вос хӯлмыгтэг. Ойкатэ, Пāкв-Пōсы-Войкан-Ōтыр, тыт хӯлуӈк- ве ат кāсаси. Юйōвылт тох иӈ воримтавес. Та тумпыт та хӯлмыгтасыг. Экватэ нявраматēтэ хуюмтаӈкве патыс, юнтпыӈ пāрт тармыл пиныстэ. Няврам юнтпытн пēлялаве, люньси. Ойкатэн титыглаве: — Пыге манрыг ат хуйи, сака люньси? Экватэ лāви, эрттам пыгён лахаре āӈхвуӈкве касилтеве. ōйкатэ лāви, тав хасьтāл мāт лахыре ат āӈхвитэ. Ань няврамакве экватэн усьпылнэг юнтпыт тармыл понюмтāлаве. Пыгрисякве усьпылнэг та сисги. 8 Юйōвылт пыгрисякве āсен та сāлитавес, лахыре тав та āӈхвыстэ. Нэтэн юнтпыӈ пāрт āпаныл хот та āлмаявес, пыгрисякве та оилмат- вес Āсе ōс та оилматвес. Пāкв-Пōсы-Войкан-Ōтыр-Нэтэ нōх-квāлапас, ōйкатэ лахыр лап- юнтлыгтастэ, сыр тальхын выгыр тōр нōх-хассумтас. Аньмунт рума- тэнтыл тох та потыртахтасыг. Руматэн ты тōр та кāсалавес, такви юртанэ ёт тыг та лаквасас. Ань Мувыӈтес пāвыл хумкве тыт илтгыг та ёхтыгпавес. 9 Ань хумкве ёхтыгпиматэ торгамтас, лахыре палт сӯмтыс. Насати тав лап-юнтыма, сырае ос супыг тōлатыма. Кос тотыгпастэ, супыг та тōлматас Кāтаге кастыл та хультыгпас! Тав витн та лайхатас, пāг ёхтуӈкве ат āлымас, тот та ёхтӯвес, тот та пуввес Пуӈксоватēтэ хот та нуяве, нāӈкын нōх та тагатаве, тот та вōтн вōтаве, раквн ракваве. Нэтэ ос пыгрисятēтэ ёхтыгпāлум утытн ёт та тотвесыг. 10 Пыгрисякве яныгмас, ёрыг, тāксарыг ēмтыс, тав юртанэ халт сяр тāксарыӈ ōлыс. Аквнакт ёнгынэныл халт, пыгриситн ляльт нēрасавес — Наӈ тыяныт вāгыл ты ёр, олс āсьн пуӈксов манрыг нāӈк та- лихт вōтн хосгасьлаве! Āсьн алым порат ос ёрн хоталь тотыгласлын!..