Мифы, сказки, предания манси (вогулов). - 2005. (Т. 26.)

Мāхум тāнти пāвланылн ювле ёхтысыт, акв хум порссыт халт акв мāнь пыгрисякве хōнтыс. Тав пыгрисятēтэ порссыӈ тāгыл нōх- консыстэ, янмалтастэ. Тав яныгмас, нāй хумыг, ōтыр хумыг ēмтыс. Тав Пāкв-Пōсы-Войкан-Ōтырыг лāвуӈкве патвес, тав войкан хум ōлыс таимāгыс. Атанэ хōлам нāӈк тāл хурипат ōлсыт. 2 Тав хōнтым акитэн алсь пормас пувуӈкве ханисьтāвес. Яныгмас, лахыре алпитэныл хот ат āхвсāлыстэ. Мувӈтес мāхум пēламтым пāвлёранылт пӯрлахтын кан вāрсыт. Иильпи пāвланыл Сакв-я мōтпāлн, Сōргахта сӯнт ляпан тув вāрсаныл, я нёр тапāлэ пāлн пāвланыл тув вāрсаныл. Туйи нёр тапāлныл йинэ уткапайт ты моляхыл пāвылн ат унсыгтэгыт. 3 Хоса ман вāти ōлсыт, Пāкв-Пōсы-Войкан-Ōтыр нэ тотыс. Нэтэ хоггы ēрныл ōлыс, та ōвылтыт лāтыӈ ат мйны. Топ тав кāсыӈ тӯя лōӈхаль ялуцкве та вораты, Āсн вос тотыглāве. Эрттам āс вōй вāри, āс хор вос вāри. Саквт ōлнэ мāньси мāхум, Тāгт таляхт ōлнэ мāньси мāхум кāсыӈ тӯя хӯлкве ляльт ляльт минэгыт, Āсн минэгыт, сярысьныл йинэ хул ляльт минэгыт, 500—800 верста* пāсн та минэгыт. Āст вōйыц хӯл алысьлэгыт, хор вāрēгыт, вōй вāрēгыт. Август* этпост ос алгаль та нёвумтэгыт, песёвыл* та хартантэгыт, тāнти ōлнэ мāнылн хартэгыт. Яныг квāйканыл ов ляльт та нюпсёлтыяныл. Хӯл Саквн, манос Тāгт талихын таквсы сӯкр этпост усь ёхты. Таимāгыс мāхум таяныт сав та тотыглāлсыт. Вāгтāл кāтуп-лāглуп мāньсит Āс ляпат рӯт вāрыглāлсыт, акваг тув ōлмыггāлыглāлсыт. Āс рӯтанылн хӯл алысьлан ёмас рōсил вос майлāлвёсыт. Тох рӯт та вāрыгласыт, тох аквляпа рӯтыг та ēмталā- лыгласыт Ас ляпа мāхум. 4 Тōсам Сакв талих, тōсам Тāгт талихт ōлнэ мāхум тӯяг ёрамтах- тын мāгыс, тāл хуям сыманыл тāкмалтан мāгыс лōӈхаль та ялантāлсыт. Таквсы ос тэпыӈ Асанылныл алгаль та хартыглāлныл. Тох та сава- лāнтсыт мāхумаквет. 5 Аквмат накыт Пāкв-Пōсы-Войкан-Ōтыр-Нэтэ тӯяг акваг эляӈ сāн, хансац сāн та вāри Āс вōй, Āс ёхыл, хорсяк пиннэ мāгыс, тāл тэнэ мāгсыл, тāл холтнэ мāгсыл. Вāрнэ утанэ ōйкатэ элыпāлн та ӯнтыгпи- янэ, тымус лави: — Наӈ хурипан нāй хумн, наӈ хурипан ōтыр хумн маныр āс вōй пиннэ эляӈ сāнквет.