Мифы, сказки, предания манси (вогулов). - 2005. (Т. 26.)

20 Та минмыгтасыг аквёт ювле. Павылн нэглысыг, Порнэ та рōӈхг — Тōнтон-Ōйка-Пыг, вит вōӈха пасатэн. Кāсэвагум, тӯрхулагу? ты сāкапēг! Тōнтон-Ōйка-Пыг вит вōӈха пасатас Иинэ нэг тув ёхтысыг, ан тӯрхулаге, кāсэваге ёлаль та тахасыг. Порнэ сунанэ вит вōӈха вāта тот та хультсыт. 21 Нэгыг юв ёхтысыг. Акиянэн ӯс хартуӈкве патсыг. ӯсыӈ-Ōтыр Ōйка ӯс хартуукве пāтыс, тēр квāлыг — ӯсэ акваг нас тōӈги! Тōнтон Ōйка ӯс хартуӈкве патыс, акваг сāлт квāлыг та тōллы. Акиянэн тахсуӈкве патсыг. ӯсыӈ-Ōтыр-Ōйка тахамты, аргин тэт акваг эла тотаве. Тōнтон-Ōйка тахамты, сӯли пӯт пāлэт сып кс тильн ат ёхты. 22 Тох ōлыманл, аквнакт мāнь Мōсьнэкве пыгрисятēтэ олкант хяу тыгтыматэ лāви: — Сасыгтем колт нял пāгле лыгум — нас лӯратāлы, нāлваль ль: гум — нас лӯратāлы. Ōпарисюм колт нял нāлваль лыгм — хоплы: нял пāгле лыгм — хоплых. Ань пыгрисякве ōпарисе лāви: — Ты яныт сёлыӈ сасыгкве ōсьмын, хōнтлуӈкве ялэв. Мāнь Мōсьнэкве люньсялтахтас, кон квāлапас. Порнэ тав нопь; лэ лāви: — Тынэквē, манрыг люньсēгн? — Пыгрисюм лāвум мāгыс, аким ōйка хōнтлуӈкве минуӈкве лāв āпситем палт. Порнэ лāви: — Наӈ, тынэквē, этпосыг, хōталыг ёл-āлмаēгн, пāлōвылн хан} вяптэгн, акваг тах ат мӣны. 23 Мāнь Мōсьнэкве этпосыг хōталыг ёл-āлмаясаге, такви пāлōвлэ ханувяптасаге. ӯсыӈ-Ōтыр-Ōйка кон квāлыс, та кос лēӈкталахты, кāты пувнэ мā ат нāуки. Юв сялты, лāви: — Мāнь мāхум акв лāтыӈ мāгыс та хурип тӯлмахыт та, этпосы хōталыг ёл-висаныл, сяр турман, самт пумн пēлялаӈкве воратавет. На мовиньтэгум. Мāнь Мōсьнэкве кон квāлтапасаге хōталаге этпосаге, нōх-хан^ вяптасаге. Элаль та ōлмыгтасыт. Ань та ōлэгыт, ань та сюнēгыт.