Мифы, сказки, предания манси (вогулов). - 2005. (Т. 26.)

Та ёмēг, тох ёмиматэн ӯсыӈ-Отыр-Ойкаг, Тōнтон-Ойка павы, та нэглысыг. 12 ӯсыӈ-Ōтыр-Ōйка-Пыг акватэ нӯпыл лāви: — Хотыл ёмнэ нэтэ нёты? Тōнтон-Ōйка-Пыге лави: — Юйл ёмнэ нэтэ нёты. Ань Порнэ Мōсьнэтэ сāртын та пувтмастэ. ӯсыӈ-Ōтыр-Ōйка-П! ōс титыглахты: — Хотыл ёмнэ нэтэ нёты? Тōнтон-Ōйка-Пыг лāви: — Сāртын ёмнэ нэтэ нёты. Порнэ Мōсьнэтэ ос ювле та пувтмастэ. Мōсьнэкве лāви: — Манрыг туйхатэгн?! 13 Тувл пыгыг потыртэг. — Нялыл лыгагагмēн. Хоттютамēн сōтыӈ, нётнэ нэтэ тах тув ко сыгтахты. Овлэт Тōнтон-Ōйка-Пыг нял сёлтумтас Ань Порнэ номсы, т ӯсыӈ-Ōтыр-Ōйка-Пыг нял, тув та лаквылтас. ӯсыц-Ōтыр-Ōйка-П: нял сёлтумтас, ōс Мōсьнэкве тув та лаквылтас ӯсыӈ-Ōтыр-Ōйка-Пы нётнэ нэкве, мāсьтыр нэкве ликмыс, Тōнтон-Ойка-Пыгн Порнэри ликмыс Пыгыг нэӈцыг та ёмтсыг. 14 Та ōлмыгтасыт. Хоса ōлсыт, вāти ōлсыт, мāнь Мōсьнэкве п: ōньсис Тох ōлыманыл аквнакт Порнэтэ лāви: — Тынэквē, юв те ялнувамēн. Мōсьнэтэ лāви: — Ам ялнэма ат ōньсēгум, ам савыӈканн ялэгум. Наӈ юв ял мā ōньсēгн, та ялэгн. Порнэ лāви: — Хотталь ялнэ мā ōньсēгн, аквёт ялымēн. 15 Холытаныг ēмтыс, Мōсьнэкве акитэ нӯпыл лāви: — Ам ӯнтталахтуӈкве* ялуцкве та кос таӈхēгум, ат вēрмēгум. Акитэ лāви: — Тамле мат вāрмаль ōньсēгн, манрыг ат ялэгн, мāн мат ху пувилув. — Йийимамēн, āпситем акв мāт хультыс, тув ялэгум. Суныл сёпитавес, та минмыгтасыг. Мōсьнэкве Порнэтэ хōнт; мāтэн ёхты, ёл-люли. Порнэ лāви: — Анум тах нац ул хӯлēлн, юв аквёт минымēн.