Мифы, сказки, предания манси (вогулов). - 2005. (Т. 26.)

супыг та тахамтāвес. Вассыг ман лылы оньси ань нэкве! Порнэн суш тāлттӯвес, юв та тотāве. 3 Мāнь Мōсьнэ āгйыг пыгыг та кос ӯрхатэг, оматётэн акваг āтим ат ёхты. Увситэ лāви āпситэ нопыл: — Наӈ ōлэн, ам Порнэ колн ялэгм, уральтахтэгм. Та мйнас, тув ёхтыс, нōх-хāӈхыс, сурум сӯнтныл ювле сунсы: сянēг āрась вāтан пиныма, ты толтыглāве, пōлям нёвлиг пōлима. Порнэ няврамыг лāвēг. — Саме ам тэглум. Мōтанэ лāви: — Пале ам тэглум. Сянēн лāви: — Хаш-хаш-хаш, нэн тав няврамаге самыг, тав няврамаге пали таēн. Тай кāминьтат. Лувыӈ сам, лувыӈ паль амти тāяпилум, нэн са] лāсял, мāнь сам, мāнь паль тот ōлы. Ань āгикве та рохтуптахтас. Молямтахтым ёл-вāглыгпас, юв хāй тыс, яныг пāйп āлмаяс, āпситётэ та тӣвырн тӯсьтыгпастэ. Акв пāлз консуп ёт пйныс, акв нāй āхвтас ёт пйныс ос лэстан ёт пйныс. Āпси тēтэ āлмаястэ, сысн хӯнтмыгпастэ, та оймыгтасыг. 4 Хоса, ман вāти минасыг, аквмат миныматэн ань āгикве хӯнтлытз ты нявлавēг, ты ёхтавēг, та ёхтавēг. Ань Мōсьнэ āгикве āпситэ ёл унттыгпастэ, коспе āлмаястэ, та воськасастэ, тымос лāви: — Ам лāтӈум эл те мйны, ам потрум эл те мйны, паль лāптāл нёл лāптāл пāль вāр вос ӯнтхаты. Та тāра Порнэ ул вос пасапи. Ань мāнь Мōсьнэ āгикве ювле āӈкватас, сунсы, сōль та хурш пāль вōр тэлум, нёл ат лāпи, паль ат лāпи. Ань няврамаквēг моа лылыянэн та нэглапасыт. 5 Ōс элаль та минэг. Хоса минасыг, вāти минасыг, аквмат эрп вāгтыглас Апситэ ёл-ӯнтыстэ, ӯсьлахты. Ань Порнэ оста сумыллас, сāхи, суе хоттыл пāсыл суйты, тымос лāви: — Сар лāсял, нэн хоса патыл ат ōньсегын, ам нэнан юил ёхтыг пиягум Аквмат эртн ты нэглапас, ты нуйхаты. Супанэ, квāлганэ сяр пу лиг маныггымат вōр тāра воратāлыматэ.