Мифы, сказки, предания манси (вогулов). - 2005. (Т. 26.)

4 Пупакве соваге нōӈхаль паттысаге: сōльпыл, хōтал нэглум, урн по- капам. Кӯсяррись тай усьпыл та порги, усьпыл та сёхлы. Пупакве турён ёхтыс, самыг пāсл хāйтумлāвес. Кāтлатэ лāсьлакв элаль тактыстэ, ань Кӯсяррись тулхе пāсыл та нясыгтастэ. Таит хōттōлн вāгэтл хот та ма- нумтахты. Пупакв нясыт сысэт нас сяватāлманл суйты. Хуль кāтныл ойматс, та хāйты, та сӯлтты. Вōӈха кāсалас, тув нас воськасахтыглас. Ёл-ротмыс, тēлпе-сае хот-нёлантасанэ. Тот та пусмалтахты. Нюлмиянэ пусмыст, сысэ нопыл сунсы: сысэт Пупакв нясыт хомле сюртмтах- тамт, лёӈханыл тох хультум, ат сāлум сыс палытыл хартхатэгт. 5 Кӯсяр сове пёс я ват сэй хурип восьрам ōлс, ань сāлмыӈ. Кӯсяр ты пилысьман хōнтхатыгламе пāсыл, хоталь ōлнутныл акваг пйлы. Хот матыр кāсалы, хот матыр хӯнтамлы, тāр хусап тйвырн нас вōпсатā- лы, тот та торги, та расги. Тох та пилуцкве патысрись. Ань та сюни, ань та хӯлы. 39. МĀТĀПРИСЬ ИСЫЛТАХТЫ 1 Мāтāпрись ōлы. Аквмат накт вōӈхатэныл кон квāлыс, хōтал ляльт хӯяс, исылтахты. Хотал сака котарахтас. Мāтāпрись пукитэ хōталн акван ломыртāвес*. Квāлапас, хōтал палт хāйтыс. Хōтал палт ёхтыс, титапа- стэ: — Наӈ манрыг ам пуким акван ломыртаслын? Хōталэ лāви: — Ам ёрум яныг, вāгум яныг. Мā тармыл маныр ōлы, пусн ак­ ван ломыртаӈкве вēрмилум. Мāтāпрись хōтал нопыл лāви: — Наӈ тыяныт вāгыл те яныг, тулытн манрыг лап-тотāвен? Хōтал лāви: — Ам та кос ёр, так кос вāгыӈ, тулыт āнумныл ёрыт, āнумныл янгыт. 2 Мāтāпрись тул палт та хāйтыс. Тул палт ёхтыс, титыглытэ: — Тулā*, нац сōль яныг, сōль вāгыӈ? — Остыгл, ам сōль яныг, сōль вāгыӈ. Āнумныл ракв ёлаль сōсха- ты, — тул лāвыс. — Сōль те тох, ос наӈ вōтн манрыг вōтасаптāвен? — Мāтāп- рисьн титапāвес. — Ам яныг тēпыл, ёр тēпыл, Лӯи-Вōт āнумныл вāгыӈ, — тулэ лāви.