Мифы, сказки, предания манси (вогулов). - 2005. (Т. 26.)

38. ПУПАКВЕГ КУСЯРЫГ МОЙТ 1 Пупаквēг Кӯсярыг ōлэг. Акватэ акв вōрсāмт ōлы, мōтанэ мōт вōрсāмт ōлы. Кӯсяр ōлы, хӯлы, сяр нэматарныл ат пйлы, мōтмат ййвн хāхта- лахты, мōтмат мāн мосьян патапāлы. Тох тотыглахтыматэ, тох хāхта- лахтыглыматэ, аквмат эртн самаге элаль патсып мāныр пāнтылтах- тыгланэтэ нāӈти? Я-ты, тув та молямтахты. Ляпаннув ёхтыс, сунсытэ: Пупакве. Акван минасыг, та потыр, та ляххал. Хоса лурсисыг*, ман вāти лурсисыг, аквмат ворин хōясыг, воратахтуцкве патсыг. Акватэ лāви: — Хōтал нэглынэ ам сāртн кāсалылум. Мōтанэ лāви: — Āти ам сāртн кāсалылум. (Тав ман, сустēртн, тытем мāнь кӯсяррись ты ворит тавēн нōх-патуӈкве хōт люли. Пупакве яныг, мосья номт хунь ōньси.) 2 Хоса воратахтасыг, ман вāти воратахтасыг, аквмат эртн лāвсып — Я, ӯнтымēн, хōтал нэглын ӯриламēн, хоттютамēнн сāртн кāса- лāве, агылттахтымён. Кӯсярись титнопыл сунсыглахтыгпас, лāви: — Ам ты карыс ур ляльт, хōтал нэглын мā сысы ӯнтэгум. Пупакв лāви: — Ам ты хара кан ляльт, хōтал нэглын мā ляльт ӯнтэгум (Я, ӯнтэтēн, ӯнтэн, сунсэв, хоттютын сар нōх-паты.) 3 Я-ты, та ӯнтсыг, сысанэн акван вōртсыг, та ӯнлэг. Хоса ӯнлэг, вāти ӯнлэг, сӯп āтим, нēлм āтим. Аквмат эртн постыглан ōрмыг ты ēмтыс*. Саманэн янгыг хартым ты сунсэг: хōтал нэглынэ хотютэн сар сāртн кāсалаве? Тох ӯнлыматэн, аквмат эртн ань Кӯсяр та рōцхалтахтас — Аниӈ-кӯниц! Хōтал нэглын ам та кāсаласлум! Пупакв соваг янгыг хассумтасаге, хара канэ ляльт та кос сунсы: хōтал акваг āтим. Сысэ нопыл пēрыгтахтас, кāсаластэ: Кӯсяррись та­ тем сягтум, ты порги, ты ййкви, та сёхлы, та сякри! Пупакве лāви: — Хōтал хōт нэглыс? Ань Кӯсяр поргим, ййквим ур пуӈкпатга ляльт хӯлты, лāви: — Тув сунсэрисьн, тув сунсэрисьн, тув сунсэн! Нэглын хōтал сō- рни кāтэ урн покапас, тоттая.