Мифы, сказки, предания манси (вогулов). - 2005. (Т. 26.)

1 Мāтāпрись вōрт та хāйтыггы. Тох хāйтыгтыматэ вōр сāлы Хāр- Ōйка хōнтыс, тав нупылэ лāви: — Аким ōйка, тӯйтыглахтымён. Хāр-Ōйка лāви: — Апыкве, ам ат пāтырēгм, ам сака яныг. — Я, ат тēпыл пāтырēгн, ам наӈын тинсылум. Хāр-Ōйка тӯйтхатас. Мāтāпрись самаге пӯнсыгтас, рōдхалтахтас — Хāр-ōйк-ōв, маськын ост люли. (Хоталь пāтырирись, та яныт капай.) 2 Хāр-Ōйка лāви: — Я-та, апыгкве, над тӯйтхатэн. Мāтāпрись та тӯйтхатас. Я-тэ, Хāр-Ойка та тйнсы, та капырты: юрттāл пум хōнты, юв тāяпитэ, юртыд пум хōнты — акван аты, тот та сēниты, та ловиньты, тох та уты. Аквēртн Мāтāпрись тав пукитэ тӣвырт та тӣвталтахтас — Касайсуптем тӣвль-тйвль, сāграпсуптем тйвль-тйвль, Хāр пуки яктōгм, ӯй пуки яктэгм! 3 — Апыгкве, апыгкве, кон квāлэтен, ам сӯпумныл квāлэн! — Люньсид кāпай! — Апыгкве, ам нёлсамасагумныл квāлэн. — Полхыӈ кāпайыг! — Я-та, апыгкве, ам самрисягумныл квāлэн. — Сайыд кāпайыг! — Апыгкве, ам палягумныл квāлэн. — Хантыд кāпайыг! 4 Я-ты, та тйвты: — Касай суптем тйвль-тйвль, сāграп суптем тйвль-тйвль. Хāр-Ōйка пуки пāлыг та сылаястэ. Ань ōйкарись та рагатас. (Мāныр ōньси!) Пукинл кон та квāлапас Я-ты, та хāйты юв, нявраманэ палт юв ёхтыс, лāви: — Я-ты, тāēн, ам Хāр аласум. Нявраманэ та ййквēгт, та поргēгг. Экватэ лāви: — Надын хōт люли та Хāр-Ōйка алудкве! — Сунсэн тыгле, ам ядк кот вāягум тēлпыдыг. 5 Я-ты, ань нявраманэ та вāнтгыянэ тув. Та тэгт, та тэгт. Тэст, няврамāнэ ты нядхудкве патсыт: — Анана! Анана! Сōргум āгмыд. Поксик! Я-тэ, āнь пуссын пукияныл, экватэ маныр, пāлыг та поксялтавēсыт!