Мифы, сказки, предания манси (вогулов). - 2005. (Т. 26.)

3 Тэн няхтахтын сӯен хӯнтамласыт, тӯрхӯлыт лывит халныл пусын нōх та квāлэгыт. Тэн палтылэн тув та минэгыт. Тэн тай та рōхтахтэп — Тōрум мувылтасын?! Ам ōлмум нот ат хӯлыгласлум, матыр сыр хӯл тōрум мā мувылтаме. Наӈки ты полсēгыӈ, — Касэврись лāви. — Эх-хēй! Полсиӈ Кāсэв, савыӈ лоньяхи! Алам тōрум мувылтаӈкве тай хоса āти. Наӈ савын, полсин сāйыт ат и вāгрисьлын, тōрум мā мана яныт, мана хурипа! — Кāсэв тӯрхулытын та илямтавес. — Тōрум мā мана яныт, мана хурипа, ты мāн ӯнлын сяквув тар­ мыл хӯлытн ат вāве! — Кāсэврись ювле рōӈхи. 4 — Тэм, полсиц йигнамон-я! Наӈ хӯлыт тōрманл ат ваганл! — Тӯрхӯлрись рōӈхи. — Ам ты лāвēгум, ам ань ты хōтал, вāгтāл патнэг, тōрмум мувылтасум. Тувыл ёхтумум порат нацын ос тыт ты хōнтаслум. — Нāн, мāхум, хӯнтамлāлэнā сар — тōрум мā, мана хурипа, ам нанан ёмасяквēг потыртыянум, — Кāсэврись лāви. — Тэм, уркыӈ, йигнамон, āцквынтэм! Наӈ потрын ос хōӈхан хӯнтлаӈкве патаве. — Тӯрхӯлыт рōӈхэгыт. — Тав полсиӈ, ман савыӈ, ятил хара сяквкēмыт* ōлмумт, ōлмум нотт, мана хурипа мāн, витын ёхталасум, мана хурипа юртыт ёт сус- сум. Ам нāнан та мāхум урыл потыртанувум, — Кāсэв лāви. — Тэм, наӈ хот акваг мори та нēлмынт тэлыгласын! Ты тōрумув янытыл хунь ос мāн сав тотыгласӯв? — тӯрхулыт лāвēгыт. 5 — Мāхум! Ты тōрум мā янытыл акв хурипа ярум, акв хурипа сав ат тотаве. Мāн тотнэ савув нāн ат вāглын! Мāн сака алалēв! — Кāсэврись лāви. — Ман хурипа сав тотэв? Хōӈхан алавēв, хата уркелын сар мāн ляльтылув, — тӯрхулыт лāвēгыт. Кāсэврись элнув квāлапас, мāхманэ ляльт ёӈхыгпас, та патыс патыртаӈкве: — Хуньт ам сянюмын, āсюмын ōньсиглавēсум... Тӯя вит ӯнлуп хорит, тот аман вот вит айим, аман ракв вит айим лувум, нёвлюм тāкмыс, хӯлыг ēмтсум. Хӯлыг та ēмталасум. Вāгкостāл юрт хал, хум хал хотмус ōлсум. Таквсы пāлаг ēмтыс, мāн лылыӈ витын минасув. 6 Тōнт минамув палытыл мана хурипа тӯр юртум ат суссум. Мана хурипа я вит ат вāсум, та мāт витыт минамув палытыл сака сāв юр- тыкем та ӯстысум. Юртыт халыт мулил яласаӈкве сака кāс. Ам тонт та торгамтаслум ёмас юртыт ōлнэ хал. Тāлум холтыслум лылыӈ ви-