Мифы, сказки, предания манси (вогулов). - 2005. (Т. 26.)

Маныр сыр вор алысь, вит алысь эла-юв ёмасяквёг пэрияманл юйпāлыт пусын номтанл аквсирыл та патсыт. Алысь вāруӈкве ōвыл- тахтуӈкве тōрме сирыл. Туи пора* ōлыс тув хōталэ сирыл ōвлэт вит алысь карайӈ āрпи вāруӈкве номылматсыт. 3 Āмпыт хоса пыл ат номсасыт. Тāриӈ та патсыт карайӈ āрпи вāруӈкве. Кāрайӈ āрпиянл, хāснэнл сирыл, мāсьтырыг* āрил тусьтыг- пасанл. Камкал ӯнттысанл Холыт хōталын та патсыт ӯрхатуцкве. Холытаныг ēмтыс. Камка суснэ пора ёхтыс Камканл яцхвēнл нōх хартсанл, сяр тāглэкв кāрайн сялтыма. Камканл хӯланэ пāг ёхтысыт, аквтув яӈхвēн ёл та ӯнтгысанл. Тāнки тувыл та патсыт хāснэнлнув сирыл, мāсьтырыг сыт сōрыг вāруӈкве. Та вāрхатсыт, та вāрхатсыт. Аквмат кāрай хӯл пӯлыл сӯпа- саныл кональ āйтынтахтуӈкве патсыт, ацтыллуванл ёмасяквёг кит нупыл воӈынлавēсыт, усь та тэнэ мāнанл пōйтсыт. 4 Тувыл та рēганылт лāква мāн хōтал ляльт āри вāтанл палытыл пукиянл ёл рōвсын сире-уре мус та рагсыт. Васыг нōӈхаль тэланыл пыл* āти, кос нумын мāныр вос вāраве. Хōтал рēгыӈ āри вāтат лāгланл, кāтанл лāкква рагатасыт, тот мот-мот урыл ёӈхыгпāлым та хуēгыт. Нāлумыт, тай āрпиянылт та сāвит хӯл та атхатас Ёты ōвылыт āрпи ййвыт та харыгтаӈкве патвēсыт*. Тāн, тай тувле нōӈхаль тэланыл пыл āти. Арпиянл, камканыл манумтавес. 5 Āрпиянл манумтым суйыл ōтыранылн та хōнтвēсыт. Я-ты, та кос нявлавет āрпиянл тув-тӯсьтуцкве. Тāн мōт мāнл нявлавет, мōт мāн вāӈкēгыт, мōт мāн хуēгыт. Ты мус ōтыранл — нупыл лāвēгыт: — Мāн ты тэм сōрыг тāгланув тāлын, тувын тōвылхатэгыт. Ань хоттамус та ōлэв, ōс хунь мāнавын тэнут эри алисьлаӈкве. Аквторыг та ёмасяквёг тэпяламув суйты. Ōтыранылн та кос нявлалавēсыт. Āрпиянл ёты ōвылыт тохиӈ та холас Хӯлытын ёмасяквёг пулиг маныгтāвес, камкаӈ лӯтыӈ тāгыл ёт та тотвес Āрпиянл холам порат ōтыранылн та оссувлавēсыт. Арпи­ янл холам сыс нэмхотютанл нох ат та кваллас 6 Холытаныг ēмтыс. Ёмасяквёг мōлхōтал тэм, айюм рēганл минам юй-пāлыт, хӯлыянл сōрганл ты тāтламаманл суйты. Я-ты, манакем хуям мāнанл нōх-квāлэгыт, āрпи ёранылн тув та хāйтэгыт. Тув ёхтэгыт āрпи ōлум ёранл ляльт нас та сунсэгыт, нёланл кос хоталь тактапāлыянл Ар- пи ёранл тāтыл вусьлахе ōлы, ййванэ камкаӈ лӯтыӈ тāгыл ёт тотымат. Та рēганылт, лэг тāрматым, кāсмостāл ōтыраныл палт юв та ёмантāсыт. Юв ёхтысыт, нāй экванылн кāсалавēсыт, ягыл, āӈквыл муртым тот та лоӈхитāвет. Кол āви сӯнтанылн пыл ат тāратāвет.