Мифы, сказки, предания манси (вогулов). - 2005. (Т. 26.)

— Аквм экв, — лāви, — āнум ёл-нэгсалэлн. (Нэгсалахтуӈкве ты патыс, тӯлмантам утанэ ты тисмаявēсыт, тэм сōрыггāглэ!) — Ам мōлхōтал тāгыл лāвēгум. Над нас хунь ялэгын, матыр люль та вāрсын! — Пӯтан, лӯймасан пуссын ам палтум нэгссалэн! — Эква-Пыг­ рись лāви. 7 Āкв экв хӯнтлы: акитэ ōйка та сāӈквылтаӈкве патме суйты, лāви: — Эква-Пыгрись ур сāуыспи, Эква-Пыгрись вōр сāӈыспи, тотн ӯйн вос тотаве, āлмын ӯйн вос āлмаве. Ань апыгкв āукрип сапыӈ тāгыл ты хуслуӈкве патыс, та йӣкв- таӈкве патвес акияге āкваге палт. Сёвал сӯнтн тув та хоппылмапту- вес. Ёл-вāглуӈкве ат вēрми колн. Таве хōт та пувилн! Юйōвылт тав юв патыс, сāӈквылтап тӯлмантастэ, акияге, āкваге сёвал вāтат кон- сасьлахтын халт. 8 Тав юв ёхтыс, āкве лāви: — Ты сāуквылтап самыц хōтпан ōньсюӈкве ат тайи. Хоты хōтпа тэнут ат хōнты, витн-вōрн ат ёхты, та хōтпан ōньсяве. Сāӈквылтапе ёт. ань та сюни, ань та хӯлы. (Тыглнэг тав ōс тӯл- манты, нас хōтпа ул гӯлманты. Тав тӯлмантаме мāгс мире тōн та тӯлмантэгыт. Тав та хатмаптыгласанэ.) 32. АМПЫТ КАРАЙӇ АРПИ 1 Āмпыт ōлыманыл аквмат накыт акван атхатасыт. Потырын пат- сыт. Халанылт лāвсэгыт: — Тав мāн хота мус патэв тэнут ӯруӈкве ōтыранув кāтыл. Мāй хум кāтыл ӯрим ман сāвыл тыттавēв! Кāсыӈ хōтал сōрганув ат пōйтэ- гыт. Сыманув тоха та этгалāвет. Аквтуп мат мāнки ёмас витхул, ёмас вōруй алуӈкве ат хāсэв, таимāгыс тāн кāтанылл тэнут ӯрēв. Мāнавын эри тāлэ, тувēт мāнки матыр сирл лосит сōрыг тэнэ алысь вāруӈкве! 2 Тувыл тāриӈ та патсыт пēрияӈкве, маныр сыр алысь ōвыл сёс тāнанылн эри вāруцкве. Хоталь ōлнэ вōр алысь, вит алысь, хоталь ōлнэ урыл патэгыт пэрияхтуӈкве. Тāн сяр пусын тортāл хāсэгыт витыт, вōрыт алысьлаӈкве. Ты мус тāнки халанылт китыг лахтыглэгыт: — Ты сāвит алысь ты, хāсэв алысьлаӈкве, ос тувыл ань мāн тāлэ, тувēт аманрыг мāнкинāв тэтāл саватым ōлэв? Танай, алысьланувувā ке маныр сыт сōрыг тāйим ōлнувув!