Мифы, сказки, предания манси (вогулов). - 2005. (Т. 26.)

3 Пӯтэн пēтсыг, эква пāг мйнас, ёл-ӯнтыс. Эква-Пыгрись нāй та пāлтытэ, та миргалтытэ. Титгаге вāнэтэн āти! Акит ōйка лāви: — Ман таяныт вāгыл пāлтыслын, вильтсам ты котарāвет. Матыр вōйлōмт ōньси, кон та мйны. Пӯт мось пāйтахтас, тēлпаныл холас. Эква-Пыгрись вōйыӈнув сяӈквыт нōх-āлмаялыянэ, та тāяпи, луваныл пӯтн тāрматыянэ. 4 Акит ōйка лāви: — Пӯтн хӯнэлн. Тав алам осты ёхтыгпи! Пӯтэ та хӯныстэ. Пӯтэн хӯнсыг, тав пāлт та поварāлы. — Āнын хӯнэлн, апыгтен торыг ӯнггыгпāлэлн*, мēнмēн ул вос вассыг саватытэ, тыг вос сэгамāлы, — ōйка лави. (Тав тōнмань тыт поварāлы.) Акитэ ōйка āны ляпан мāласьлахтас, тэӈкв патсыг, лāви: — Пӯтн пēтмын порат луван нёвыль ōсьсыт? Тāтыл луваныл. Насати тав нёвляныл хот-няуылмаптуманэ. Мēн ань мōлал урум ут хōнтымēн, вōйыӈ ут хōнтымēн, тав торгылэ та ӯнтгыгпāлымēн, мēнмён ань тав та сёпитастэ. (Тōнмань тав тыт ёӈхатахтыглы. Тэн ань ман яныг пӯтыл ōлэг.) 5 Титгаге тот пурасьлахтын сыс, исмит пӯт юв-аяластэ. Экват но- пыл лāви: — Нэматыр ат тэсмēн, исмитлōмт пӣнэн. Нёвлян ань ул пулиг пāйтахтасыт, пӯтг хультгиньтэгыт. Эква пӯтэ палт мйны, пӯтэ мāласьлаӈкве патытэ: пӯтэ сяр тāтыла. Исмит āти, нэматыр āти. Экват нопыл лāви: — Ам сар пӯтум пувласāлылум, эрӈ ань пӯтмēн паттатэ пāлыг хуйи. Акит ōйка пӯт пувлуцкве патыс, пӯт ёлы-пāлн хуяс, та тисги, эрггам, пӯт паттатэ пāлыг хуйи. — Аквмат хумин сёвал-лōхт та тисгынэтэ суйты, ул сосгысь ōлы. Путмēн ас ат ōньси, — экват лāви. 6 Акит ōйка нōх-люлюмтас, сёвал-лōхт та консуӈкве патыс. Акит ōйка пēсьхалныл кон ояс Кон квāлапас,, юв та ояс. Юв ёхтыс, āкв экван тэнутыл та кос саралаве, ат тэг. Акве эква лāви: — Матыр ōвыль та вāрсын. Манрыг саватыягын. Тэнти тэнут ат хōнтэг, манрыг саватыягн!