Мифы, сказки, предания манси (вогулов). - 2005. (Т. 26.)

7 — Сāт āмп пуӈк сōӈари, мāтāприсиг сурум сӯнтыт поварēн! Я-ты, āмп пуӈк соӈари та рōцхалтахтас — Повариягум, повариягум! Пись-письрисиг рōӈхалтахтасыг. — Āгирисиг ёрнхӯрыг сӯнтыт хӯратыянмēн-а, хӯратыянмēн! Агирисиг рōцхалтахтасыг. — Пыгрисиг нял ōвлыт сāглыянмēн-а, сāглыянмēн! Пыгрисиг рōӈхалтахтасып — Хāр ōйка нялыл пāхвтыламēн-а, пāхвтыламēн! Хāр ōйка лāви: — Вит айлум, айлум! Вит лāви: — Нāй харыгтылум, харыгтылум! Нāй лāви: — Хāӈхай ур нōх-пēламлылум, пēламлылум! 8 Нāй квāлапас, хāӈхай ур топ сяр анятэ ӯнлы. Сōврытёт тот пор- гасьлас, тот та сюӈкратаптӯвес. Ты юрпылтаме, юрпылтас-юрпылтас, такви ōс сярвес! Лāглаг ак­ ван сюӈкратаптувēсыг. (Тытем вāрмаль мāгыс нас вос ӯнлыс, лылытэ ōлнув.) Сōвыр ань питьмитэ силайим хуритэт иӈ та ōлы, акван хас- сумтым хуритэт иц та порги. 29. ВŌР ТИТЫГ ŌЛЭГ 1 Тит ōйкац экваг ōлэг, ōйкаг сас эква ōньсēг. Тэн вōрн минасыг. Хоса ман вāти ōлсыг, эква āгитэ няврам ōньсис. Нявраме мось яныг- мас, сяквыл маяпāлытэ, хот-āлмаййтэ. Няврам та мовиньты. Яныг эква лāви: — Няврамын вōр тармыл сака ул мовиньтаптэлын, ат рōви. Агитэ ат хӯнтлы. 2 Аквмат эрт мā тōргуӈкве та патыс, аква юв ты сялтыс, пуныц. Агитэ тув та тōсыс*. Эква кон кваллы, āмп тā тēри, сāт āмп ōньси. Хор юв тӯлы таи- тэ тэнэ мāгыс. Таитэ хорыт мāнюмтыянэ, юв молях та тāяпиянэ. Эква юйōвыл āмпе тēрме порат номсы: «Мāныр вāруӈкве, мāнь пыгрись хотмус эри ёт āлмаяцкве». Тувыл юв сялтыс. Эква ты вор ут титыглаӈкве патыстэ: — Наӈ мēн вōр титгагмēн ат вāсагын?