Мифы, сказки, предания манси (вогулов). - 2005. (Т. 26.)

— Нац ōлэн, хāӈхай ур! Ам нāй палт минэгум, нōх вос пēламлāвен, вос тэвен! Я-та, ань нāй палт мйнас, лāви: — Нāя, хāцхай ур тāёлн! — Тав ман нур вāрс? — Ам сӯператем сылаявес. — Вос сылаяве наӈти нялыӈ сōргын паттат! — Ам, — лāви, — хунь вит палт минэгум, вос харыгтāвен. 2 Я, тувл тув хāйтыс, лāви: — Нāй харыггэлн! — Нāй ман нур вāрыс? — Хāӈхай ур ат тэгтэ. — Хāӈхай ур ман нур вāрыс? — Ам сӯператем сылаявес. — Наӈти āмп нялыӈ сōргын паттат сылаявес, вос! — Я-та сар, — лāви, — ат харыгтēгн, ōлэн! Ам сар хāр ōйка палт минэгм, нац тах аквты пуссын юв-аявен! (Юв ул каки хāр ōйка хōнты.) 3 Хāр ōйка палт мйнас, лāви: — Вит аēлн! — Вит ман нур вāрыс? — Нāй ат харыгтытэ. — Нāй ман нур вāрыс? — Хāцхай вāта ат тэггэ. — Хāӈхай вāта ман нур вāрыс? — Ам сӯператем сылаявес. — Наӈти āмп нялыц сōргын паттат, вос! (Тувл тув нēравēрись.) — Вит ат аилн! Олэн! Ам сар тит нялыӈ, ёвтыӈ пыгрисяквēг палт ялэгум, вос алавен! 4 Ань пыгрисиг палт мйнас, лāви: — Хāр ōйка нялыл пāхвтэлын! — Хāр ōйка ман нур вāрыс? — Вит ат аитэ. — Вит ман нур вāрыс? — Нāй ат харыггытэ. — Нāй ман нур вāрыс? — Хāӈхай ур ат тэггэ. — Хāӈхай ур вāта ман нур вāрыс?