Мифы, сказки, предания манси (вогулов). - 2005. (Т. 26.)

Ōс элаль та мйны, та тови, та эрги: — Алш нēлум тӯпсуптем: пōл-пол-пол! Пōналтер хāпсуптем: щāв- щав-щав! 3 Хоса мйнас, ман вāти мйнас, ōс акв пāвылн нэглыс. Ōс нāлми вāтат няврамыт ёнгēгыт, рōхтахтэгыт, хāйтыгтэгыт. Аквмат эрн ань няврамытн Мāтāпрись йинэтэ та кāсалāвес, та рōӈхалтахтасыт: — Аким ōйка, аким ōйка! Пāг ййен, пӯт тāен. Мāн сымри хӯл пāйтсув! Мāтāпрись тыи хӯнтамлас, та эргалтахтас, та эрги: — Ат тэгум, ат тэгм, āт тэгум! Ам туртем сака мāнь, лувн пēлаве. Сымри хӯл сака лувыӈ. Ань ōйкарись ōс элаль та тованты, та мйны, та эрги: — Амп нēлум тӯпсуптем: пōл-пол-пол! Пōналтер хāпсуптем: гцāв- щав-щав! 4 Хоса мйнас, вāти мйнас, аквмат эрн ōс акв пāвылн нэглыс, ōс аквта сирл, няврамыт нāлми вāтат ёнгēгыт, хāйтыггэгыт. Ань мāтьял- нуятēв йинэтэ оста кāсалāвес, ань няврамыт рōӈхалтахтасыт: — Аким ōйка, аким ōйка! Пāг ййен, пор вит аен!* Ань Мāтāпрись ты лāтыӈ, хӯнтамлас, хāп нёлэ пāгле пēрумтас, та эргалтахтас — Ат хуня, ат хуня, āт хуня! Ягм, ōпарисюм тэсинтам тэп! Ат хунь тэгтем! Ат хунь тэгум! 5 Ань ōйка хāп нёлэ пāг хōяс, хāпе пāг хассумтас, тӯпе воськасас, пāгле та хāйты. Юв сялтапас Ōвлыӈ āны ōвлын ӯнтылматас, та тэг, воӈнуме хурипа. Пасан вāтанныл ворил пōхын лаквтахтас Хāпе палт нāлваль та хāйты. Тох хāйтыматэ, āмп хилум вōӈхан рагатас. Пукитэ пāлыг покматас поксик! Я-ты, тот та рōӈхи, та ка- пырты: — Тāр тотэн-а, тāр тотэн! Пāсыглап тотэн-а, пāсыглап тотэн! 6 Няврамыт хāйтталасыт, тāрыл тотвес, пāсыглапыл тотвес, ань пуксятэ лап-юнтытэ. Лап-юнтлыгтастэ, квāлапас, элаль та хāйты. Нāлув ёхтыгпас, тӯпе āлмаяс, хāпе нармытас, нāлув тāлматас, ань пыл мйны. 28. СŌВРУКВЕ ХĀӇХАЙ УР ВĀТАТ 1 Сōврукве ōлы. Хāӈхай ур вāтат пум тāиматэ сӯпертēтэ хāцхайн сылаявес, лāви: