Мифы, сказки, предания манси (вогулов). - 2005. (Т. 26.)

пахтас. Мōтмат āӈкрипн та иты, та иты. Āкв экватэ лāви: — Апыгквē, апыгквē, мāныр писян вāрыглэгн?! Авитэ халылнув вāрапастэ. Апыгтēтэ āвиныл лэӈын хурил кон квāлапас, юв та хāйты. Юв ёхтыс, сяняге āсяге нопыл лāви: — Нэмат увситēгм āтимыг! Тув ёхтысамēн, нāе ты тӯсьтытэ, сё- вал лбхныл тальхыӈ соль лэватас, ам лэцын хурил вāрапахтасум. Мōтмат āӈкрипн та итгасьлэгм. Āвитэ халл вāрапасте, ам кон квā- лапасум. 5 Экваг ōйкаг тув та минэг, āкв экванл колн. Акв рот лув висыг, акв нисьта лув висыг. Тув ёхтысыг. Акв пāлэ рот лувыл тēрыстэн, акв пāлэ нисьта лувыл тēрыстэн, пōсасасагён. Эква пāлыг та манумтāвес. Акв пāлэ ōйтаг ēмтыс, акв пāлэ вōрыг ēмтыс. Тувыл колэ сунсыглаӈкве патыстэн. Сōльпыл, няврамагēн сахису- панэн осма ёлы-пāлт, лувсакванэн пāл ёлы-пāлт! Экваг ōйкаг нявраманэн лувсаквыт висанэн, ōлманыл сирыл пин- санэн. Мāтāпрись тēтсастэн, тав сӯпе тйвырт лылыӈ вит тотыс Няв- раматегēн лувсаквыт лылыц витыл сартмтасанэн, ань āгириськвēг тēлпыӈ полых сальгим нōх-ӯнтсыг. Я-ты, тот та анилахтэгыт, та сып- пыгхатэгыт. Ань та сюнēгыт, ань та хӯлэгыт. 27. МАТАПРИСЬ МОЙТ 1 Мāтāпрись ōлы. Хоса ōлыс ман вāти ōлыс, хотталь ялнэ, хотталь миннэ номтын ёхтӯвес. Поналтер хāпсуп вāрыс, āмп нēлум тӯпсуп вāрыс. Хāпе нāлув нарыгтастэ, тӯпе вис. Хоса мā хосаг минмыгтастэ, вāти мā вāтииг минмыгтастэ. Та тови, та эрги: — Амп нēлум тӯпсуптем: пōл-пол-пол! Пōналтер хāпсуптем: гцāв- щав-гцав! 2 Хоса мӣнас, ман вāти мйнас, аквмат эрн пāвылн нэглыс. Сунсы: няврамыт я вāтат ёнгасэгыт. Хāп йинэ кāсаласāныл, пāг вōвмыгтасāныл, та рōӈхēгыт: — Аким ōйка, аким ōйка! Пāг ййен, пӯт тāен. Мāн тāрка хӯл пāйтсув! Мāтāпрись тыи хӯнтамлас, та эргāлтахтас, та эрги: — Āт тэгум, ат тэгум, āт тэгум! Ам турм сака мāнь, лувн ӯнтāве.