Мифы, сказки, предания манси (вогулов). - 2005. (Т. 26.)

2 Тувл юв ёхтысыг, āкв экватэ сёвалэ та тӯсьтытэ, та тӯсьтытэ. Нāе пēламлас. Сёвал лōхныл* тальхыӈ соль вис, āгирисысве сольтыгпастэ, нāлув та сяритастэ. Тэстэ. Тувл экваг ōйкаг палт оста мӣны. Тув ёхтыс, лāви: — Котьль āгитēн ōс майлэлын. Увситēтэ нёхссов, ӯйсов тынтлаӈкве тактēт ат āлыми. — Я, тав вос ялы увситётэ нётуӈкве. Ōс та минэг ювле. Аквта мāтэнн ёхтысыг, ӯйрисятетэн оста рōӈхи: — Каткас тив-тив-тив, экваг ōйкаг котьляги, миннэ та кос минэгн. Тах сахисуптен осма ёлы-пāлт, лувсакватēн — пāл ёлы-пāлт! Āгириськве лāви: — ӯйрисякве манрыг тох рōӈхи? Āкве лāви: — Тав рōхнэ хуритэ та. 3 Тувл ань ёхтысыг. Эква оста нāе тӯсьтытэ. Сёвал лōхныл тальхыц соль лэватас, āгириськве сольтыгпастэ, нāлув та тактапастэ, сяритастэ, юв та тэстэ. Тувл экваг ōйкаг палт оста мйны. Тув ёхтыс, лави: — Ос мāнь āгин ōс майлэлын. Увситēге ат āлымēг, тэнтьтетэн. — Тав вос ялы. Мāнь āгитэн минуцкв патыс, выгыр лэцынсов ёт-āлмаястэ. Āкв экватэ лāви: — Мāныр вāрēгн, тох ат āлымēгн тынтлахтуӈкве. Āгирись сӯптāл, нēлмтāл. Эква ōс лāви: — Мāныр вāрēгн?! — Тав ю с, āнумн эри āкань тōвлиг. Та минэг. Аквта мāтэн ёхтысыг. Ань ӯйрисятетэн, Каткаси тив- тивēн, осга рōӈхи: — Каткас тив-тив, экваг ōйкаг мāнь āги, тотнэ та кос тотāвен — сахисуптен осма ёлы-пāлт, лувсакватēн — пāл ёлы-пāлт! Āгирись нэматыр ат лāвыс. 4 Юв ёхтысыг. Эква оста нāе тӯсьтытэ. Сёвал лōхныл тальхыц соль āлмаяс. Āгириськве лэӈын сове āлмаяс, масапасте, лэӈын хурил вāра-