Мифы, сказки, предания манси (вогулов). - 2005. (Т. 26.)

Я-ты, тыт та лэвты, та мурты. Эква-Пыгрись ёлаль ляльт лāви: — Аквм экв, сōль вāгтāл та патумрисьн. Сӯпн пāлыг хартэлн, наӈ сӯпын тӣвырн амти порыгмёгм. Я-ты, ань экварись та сяггыс, номсы: «Ань Эква-Пыгрись тав сӯпе тйвырн соль ты порыгми», пāлыг та хартыстэ сӯпе. 14 Эква-Пыгрись исум хӯлюм ёлаль тāрталадкв та патыс. Тēр пāйпыд эква сӯп тйвре исум хӯлюмн патыгладкве патвес. Тав лāви: — Апыгрись, манырман исум утан ёлаль сульгалтэгн? Эква-Пыгрись лāви: — Мāнр исум утанум ёлаль сульгалтэгум? Ты нāдк сӯлт, нāдк сāмн ёлаль сульгēгг. Над сӯпн янгыгнув хартэлн, атидк тах ам ат лāпēгм. Я-ты, усьпылнэг сӯпе янгыг та хартытэ. Эква-Пыгрись пōстхатас, исум лӯймасэ, нāйт сӯлытам лӯймасэт акве та тāрматастэ. Я-ты, мā алаг та тадырматвес, лӯймасэн мāн та тӯсьтыгпāвес, сӯпасэт сялтапāвес. Ман лылы вассыг ōньси! Эква-Пыгрись лāсьлакв ёл-вāглыс, тыгле, тувле сунсыглахтас, сысы, юв та хāйтыс. Акве палт ёхтыгпас. Ань та сюнēг, ань та хӯлэг! 26. КАТКАС* ТИВ-ТИВ МŌЙТ 1 Тит экваг ōйкаг ōлэг. Хӯрум āги ōньсēг. Акв эква ос тактёт ōлы. Тав тит экваг ōйкаг палт мйнас, лāви: — Янг āгитēн āнулш майлэлын, нёхссов, ӯйсов тынтлым амтьтем ат āлымēгум. Экваг ōйкаг лāвег. — Тав вос ялы. Кон квāлсыг, та минэг. Миныматэн Каткас тив-тив та рōдхи: — Каткас тив-тив-тив, экваг ōйкаг янгāги, тотнэ та кос тотавен. сахисуптен тах осма ёлы-пāлт, лувōвылтēн тах пāл ёлы-пāлт! Āгириськве лāви: — Āквм эква, ӯйрисякве манрыг тох рōдхи? Акв экватэ лāви: — Тав рōхнэ сиртēтэ та.