Мифы, сказки, предания манси (вогулов). - 2005. (Т. 26.)

— Наӈ сар тот ат ӯнлэгн, наӈн ёл-сāгрилм, ёл-патнэн порат мā алаг тах нас няксятāлэгн. Я-ты, сāграп вис, та сāгри, та сāгри. Хоса сāгрыс, вāти сāгрыс, вāгтāл патыс. Аквмат эртн лёх паттаныл Сōвыррись нэглапас, лāви: — Āквм экв, вāгтāл патумрисьн, ёл-хуйыгпāлэн. Наӈ хуйн, ам сāгрēгм. Я-ты, ань вāгтāл патум эква ёл та хуйыгпас. Сōвыррись сāграп āлмаястэ, āхвтас алаг ляӈквийыг сāгрлатастэ. 11 Я-ты, эква сāйкалас, нōх-ӯнтыс, сунсы: ййве хомле ōлыс, аквта хуритэт люли. Сāграпе вистэ, сунсы: сяр ляӈквийыг вāрима. Нāӈке атыӈ новыглыма. Мōт сāграп вис, оста сāгри. Сāгрыс-сāгрыс, вāгтāл патыс. Нāӈке сяр ат хасьхаты. Хоса сāгрыс, вāти сāгрыс, аквмат эртн лёх паттаныл Охсаррись нэглыс, лāви: — Āквм экв, вāггāл патумрисьн, ёл-хуйыгпāлэн. Наӈ хуйнэн сыс ам сāгрēгум. Я-ты, ань эква осты ёл-хуйыгпас. Тав хуйнэтэ сыс сāграпе āлма- явес Охсаррисьн, āхвтас алаг оста ляӈквийыг сāгрлатвес Охсаре сāграпе воськасас, сысы та хāйтыс. 12 Ань эква нōх-ӯнтыс, сāграпе сунсыглытэ: ōс ляӈквийыг сāгрлатыма ййве аквта хольт люли. Ат иӈ новыглыма. Та лявты: — Тёр хомлыгн сāграпатēгм ляӈквийыг та сāгрувēсыг! Мōт сāграп вис, оста люлис, тā сāгри. Та кос сāгрыс, та кос сāгрыс ййве ат хасьхаты. Аквмат эртн лёх паттаныл Тӯлмах-Ōйка нэглыс Тыг та лакванты. Тыг ёхтыс, лāви: — Āквм экв, мāныр вāрēгн? — Мāныр вāрēгм? Нāцк ёл-сāгрēгм! — Манрыг сāгрилн? — Нумн Эква-Пыгрись ӯнлы. Ам няврамагм тав пӯтн пӯтсаге ам таве ёл-паттэгм. Тӯлмах-Ōйка лāви: — Āквм экв, таве ёл-патгуӈкв наӈын хōт люли! Ёл-хуигпāлэн наӈ хуйнэнсыс ам нāӈк ёл-сāгрйлум, нāӈк ёл-паты, ам наӈын нōх- квāлтапйлум 13 Я-ты, ань экварись оста ёл-хуйыгпас. Хоса хуяс, вāти хуяс, нōх- сāйкалас, насати Тӯлмахн хӯрмит сāграпе ōс ляӈквийыг сāгрлатым тав пōхēн воськасым, такви хотталь тахам, āтим.