Мифы, сказки, предания манси (вогулов). - 2005. (Т. 26.)

Няврамыг тыг хāйтсыг, суйтэп — Хōт ōлы? Акваг нэматыр āтим! — Тытты, тытты! — Эква-Пыгрись лāви. Тэн ляпаннув хӯтсыг ййвсуп палт хӯтсыг, нумыл сāграпыл тотыг пасаге, сыплуванэн супыг та сāграпасаге. 7 Я-ты, пут тагматас, няврамыг нёвлит нāлув пēтапасанэ, пāйт лыгтасанэ, хӯрм āны хӯнтлыгтас. Акв āны мулгаль ӯнттыстэ, акв āнь āви хāпн ӯнттыстэ, хӯрмит āны āкве йинэ лёх сӯнтн ӯнттыстэ. Таквт исум хӯльмыт тӣвырт лӯймас сӯлытас, āви элы-пāлт люлюм яны нāцкын нōх-хāӈхыс. 8 Аквмат эртн хоса ōлыс, вāти ōлыс, āквэкв та йинэтэ суйты. Ю 1 Нёвль āны палт ёхтыс, нёвль лōмт āлмаяс, та тōвты, лāви: — Хаш-хаш-хаш! Амти лувм, нёвлюм атыл пасы. Кӯ-у! Нявра магумн ань пыгрисятем тэл та алапāвес, тēлп саманэ ёл тэл та сōсан тавēсыт. 9 Āви сӯнтн ёхтыс. Ōс нёвыль лōмт āлмаяс, ōс аквта лāтыц: — Хаш-хаш-хаш! Амти нёвлюм, амти лувум атыл пасы. Юв сялтыс, мулы āныныл ōс нёвыльлōмт āлмаяс. Ос аквта лāту: — Хаш-хаш-хаш! Амти лувм, нёвлюм атыл пасы. Хасап сāйыӈ пāлт хоттютыг сярктахтынэтэн суйты. Āквэкв лāвг — Тот ат сярктахтэгын, ам нэнан тах! Манрыг ам тотыглам ӯй тем аласлын?! Тув āукватас, насати, мāтāприсиг! Лэганэнтыл акван нэгима) титтыг хартэг, тымос ты сярктахтэг. Тыгле ёӈхыс, сунсы: няврама акваг нэмхōт āтимыг. Юиōвылт тāрапаттыстэ, насати, такви няврамаг алымаг. Ань тотыглам ӯе, Эква-Пыгрись, хоггаль тахам, āтим. 10 Люсь эл тāрматас*, лāви: — Ты хоталь мйнас, нявраматēгм хотталь та тотмаге! Эква-Пыгрись кон рōӈхувлас, лāви: — Āквм экв-ӯв, ам тытты ӯнлэгум! Ань эква кон квāлыс, тōрумн тэлум, мāн тэлум яныг нāӈк ляль нōӈхаль сунсы: нāӈк талихт Эква-Пыгрись ӯнлынэт нāӈти.