Мифы, сказки, предания манси (вогулов). - 2005. (Т. 26.)

Ань ōйка та мйнас, āгитэ палт ёхтыс Агитэн титыглаве: — Манрыг ёхтысын, ам ман матыр ёт тотсум? Асе лави: — Мēн сяр тэтāл патсумēн, воруй алнэ, витхул алнэ сёл ат ōньсимēн, мēнамēн нац те салитылн та. 18 Āгитэ нōх-люлис, супнēлмтāл сыс нёвлиӈ, мāгыл нēвлиӈ пӯт пāйтыс, тэланэ акваг сома люлēгыт. Пӯтэ āстыс, āсе пōйтнэг тытгыс- тэ, айтыстэ. Юв минуӈкве патыс, нōх-тōслам сыг саханэ, сыг лэганэ ōньге палт тēтсанэ, лāви: — Ам тавēн вассыг нэматыр тётуцкве ат вēрмēгум, ам мōлал тыит тэӈкве та вēрмумум, ань ос ōньгум тав ю с тэсинты, мана атыл пасэгыт. 19 Ōйка вассыг мāныр лāви, маим утанэ висанэ, та мйнас. Мōлал вāрум сутальпитэн ань тэнти нопылэн та ёӈхыс (Йисэ нотэ пāсыл лāваве: савалап няврам ул саватэн, мат порат та нак наӈти нопылн ювле ёӈхи.) Ань āгитэ хультсыг Мис хумитэнтыл, пӯӈēн, ōлтулэн тāим ань та сюнēг, ань та хӯлэг. 24. СЯМСЬ-ХУМРИСЬ* 1 Акв хум ōлы, хӯл алысьлы. Тав наме Сямсь-Хумрись. Аквнакт номсы: «Ам ань āрпи вус вāрнувум, камка вус ӯнтгынувум». Холыта- ныг ёмтыс, камка унттын хоталэ ёхтыс Тав нāлув ялыс, арпи вāрыс, камка ӯнттыс Холытаныг ēмтыс, камкатэ сунсуӈкве мйнас. Арпитэ палт ёхтыс, камкатэ нōх-хартыс Сунсы, акв яныг сортн сялтыма. Сортэ вис, юв та мйнас Юв ёхтыс, яныг сортэ якытластэ, пӯт пēтыс, пāй- тытэ. Пӯтэ āстыс, тайēт* хӯланэ нōх-хӯнсанэ. 2 Тэцкв ты сёпитахтас. Тэӈкв ӯнтуцкве āрталахты, номсы: «Ам сар сāртн кон квāлапāлэгум». Люлюмтас, кон та квāлапас Тав кон ялнэтэ сыс, хӯрум Порнэ юв сялтапāлсыт, яныг сорт āны пуссын юв-тāяпа- саныл. Кон квāлапасыт, та рōӈхēгыт: — Хаш-хаш-хаш, Сямсь-Хумрись-ōв, наӈ хōт ōлэгн! Мāн нац яныг сорт āнын юв та тāяпаслув. Сямсь-Хумрись хот-рохтуптахтас, юв та сялтапас Сунсыглахты, яныг сортэ топ тāтыл лувсэкванэ хультыгпамыт. Лувсакванэ мось сып- гасьлас, мāньмтахтас, тāтыл сōргыл ёл та хуйыгпас