Мифы, сказки, предания манси (вогулов). - 2005. (Т. 26.)

Агириськве лāви: — Ам наӈын тыттынут хунь ōньсēгум, тона юв тāртылум. Амт! няр сыг сахыт, сыг лэгыт тāим ōлэгум. — .Ам наӈыныл тэнут ат тинсэгум, ōсьнут ат тинсэгум. Ав> пӯнсэлн. Агириськве акваг астāл. Āви аквмат эртн такви та пӯнсыстэ. Акв хум юв ты сялтыс, ЯӇ 1 вāил, яӈк пōрхалмасхатым ōлы. Ань āгириськве оста осься юнтуп хури вāрапахтас, порсыт халт та поварāлы. Ань хум колкан котильн йи< лāви: — Таяныт ёмас вāрен, самн нэгылтахтэн, ам наӈыныл тōрум ōлн юрт пōйкēгум. Āгириськве лāви: — Ам наӈын самн патхатнэ хури хунь ōньсēгум, āнум кāсалэгг сымын хот-люльми. Хум лāви: — Нац манхурип хури ōньсēгн, ам вāглум, ат рохтэгум, осн квā лэн. Ань нэ осн та квāлыс. Хум тав палтэ йис, аниглавес. Сыс нёвль мāгыл нёвль пӯт пāйтвес, āны хӯнвес, пасан акв ōвл нэ касайыл пинвес, акв ōвлэ хум касаил пинвес. Хумитэ лāви: — Ам нопылум ōлнэ номтын те ōлы, ӯнтэн. Ань āгирись хоталь сялты, та ӯнтсыг тэӈкве. Ань нэ коны мāтэ, юи мāтэ ōлтулыл, сытьял тāгиньтас. Яӈк вāйьь яӈк сахил мастувес Ман тэлум нāй нэ, ман тэлум ōтыр нэ! Ань āсе хоса ōлыс, вāти ōлыс, лāви: — Ялэгум, ань āгим ул сякырлас. Та мӣнас Āгитэ кол ляпаннув ёхтуцкве патыс, хӯнтлытэ: та люс суе! Ōйка лāви: — Иӈ та лылыӈ, иӈыт ты сякырлы, иц люсьнэ ос ōньси. Ляпаннув ёхтуӈкве патыс: тав манаре люньси, насати эргынэт: Тит нупыл сунсыглахты: āгитэ кол титпāлэ акваг лап сāлы сярык, сāльг ань ты юв ёхталамыт. Кол титпāлэ акваг вōйыӈ нёвлил лап-тагталам( Āгитэ палт юв сялтыс, лāви: — Я-та, нявраматем, ōлэгын?