Мифы, сказки, предания манси (вогулов). - 2005. (Т. 26.)

тэнккетэн та хӯльвесыг. Акв ляльт āӈкватāлэг, пуӈканэн кēлпал ёлаль сюргēгыт, сэтап солил сас пāлыг юныгтымаг. Та сирёнт кēлпаӈ пуцкуп Карыг Хōхраг ань тыг мус та ōлэг. Халэв-Ойка вассыг нэмхуньт тэн палтылэн ат та ёхталас Та сирēт тактётэ та хультыс, тактётэ та яласы. 23. САВАЛАП-ĀГИРИСЬ 1 Экваг ōйкаг ōлэг, тит āги ōньсēг. Акватэ ōйкатэ āги, мōтанэ — экватэ āги. Та ōлэгт, та хӯлэгт. Ōйкатэ āги экватэн акваг лавыл нэглаве. Ōйкатэ āрпитэ сунсуцкве ялы, сыгыт алы, юв ёхты экватэ пӯт вāри, тэцкве патэгт. Экватэ ōйкатэ āги янас āныл хӯнытэ, тув сыг сахыт, сыг нялыт хӯны, āгирись элы-пāлн ӯнттыгпитэ. — Я, — лāви, — тāен! А такви āгитэ акваг атыц утыл — сыг мāйтыл, сыг пōрыл-тыт- тытэ. 2 Ман хоса ōлсыт, ман вāти ōлсыт, аквнакт āгирись сяр вāгтāл ты патыс. Экватэ ōйкатэ нопыл лāви: — Мйнэн, āгин вōрн тотэлн, тот вос блы. Ань хум та мйнас Āгитэ вāӈн сунсовн тāлттыстэ, та хартытэ. Хоса минасыг, вāти минасыг аквмат эртн рас ййвпа вōрсяхылн ёхты- сыг. Ойка ёл-люлис, тот сāграсьлахтас. Нёл тӯп лāптэ, пуцк тӯп лāпнэ яныт кол эл āстыс Колэ āстыс, āгитэ тув юв нарумтас, лāви: — Ōлэн! Такви ювле та харты, та мйны. Юв ёхтыс, титыглаве: — Я, хӯлислын? — Хӯлислум, пуӈке лāпнэ, нёлэ лāпнэ яныт колыл сāгрыслум. Ань нэтэ та лявты: — Тав ман кол вōви! Манрыг нац наӈти сыс ёрн, мāгл ёрн наскāссыг холтылн!* 3 Холытан квāлсыг, экватэ лāви: — Мйнэн, ялэн, āгин уральтэлн, тэнутыл тотэлн. Ōйка вāӈн сунсове вис, няр сыг сахыт, сыг лэгыт вис, та харты. Āгитэ кол ляпан ёхтыс, хӯнтлы: акваг суе āтим. Āвисӯнтын мйнас, āви халылнув вāрыстэ, титыглахты: — Āгиквē, ōлэгын?