Мифы, сказки, предания манси (вогулов). - 2005. (Т. 26.)
— Ха-ха-ха — лāх-лāх-лāх! Ам хōтпан хунь эрылтахтэгум, — Ха- лэв-Ōйка лāви. — Хэц... Хоталь ос тох? Хота мус нэ хотпатāл сава — тахтэгын, — Кар лави. — Нац хурипан ёмас витхул алнэ хум юртэ ёт вос олыкве. — Ха-ха-ха — лāх-лāх-лāх! Тав ам тувле мат ос номтумпыл ат патыглāлы! — Халэв-Ойка лави. — Хэц... Кумакве! Тав номт тай хосал вāтил ат паты, — Кар лāви. — Тав ам войхатэгум ке, нац номтын патнэтем хōтпарисил алам ты кос хōнтнувлум. — Ха-ха-ха — лāх-лāх-лāх! Нац матьф та вāрēгын, — Халэв-Ōйка лāви. 2 Халэв-Ōйка тох лāвыс, Кар татем та сягтыс акваг та мōвиньт, та ляххал. Ты мус поньхим, сягтым лāви: — Хэц... Кум ōйкакве! Мēн нэ хōтпа тай хосал ат тинсымён. Мён мēнти рутыцысь вāрхатымēн. Ам Хōхра эсьтем товлыц ӯйыт, лāглыц ӯйыт халыт, нацкипыл вāглын, сома нāйыц кāркамакве*. Мён ань номыт тавён ты вāримēн. Тав тāлэ, тувēт тōрум хōтыланэт самыл ōньсит, аквписыг кāсыц хōтал āлпыл ōвылтахты этиман мус āлыматāл тоха та сэтап тахты. Нацтāлэ, тувēт витхул алысьлан хумикве. Ань та вāрнэ сэтап, квāлыг, ӯсма тāлэн. Тувēн тōвылхатэгыт, тай пусын нац кāтын та патнӯвыт. — Ха-ха-ха — лāх-лāх-лāх! Тэм сōль! Ам таве тотэгум. — Халэв- Ойка лāви. 3 Кар юв ёхтыгпас. Аквāг та мовиньт, та потыр, татем сяггум. Хōхра эсēн титыглаве: — Нац, увсикве, ты хōтал тай матрыг сака та сяггмын? — Хэц... Иыгкве! Тав ам хумыс ат сягтытем. Ам нацын хумик- вел та хōнтаслум, — увситэ лāви. — Хотют? — Хōхра титыглахты. — Хэц Халэв! — Кар лāви. — Сома сōрниц хумиквел хōнтаслум. — Кай, сōрни яныг тōрум! Тав палтылатēтэ тай ам хотум ул ми- нытем. Тāле, тувēт тах лылыц хул тāйим ōлуцкве патытем, — Хōхра сягтым лāви. — Хэц... Ам таве таймāгыс ты хосаттāгыл лāсигласлум, — Кар лāви. — Ань тах сома ōлнэтен, сюньнэтен нэглы. 4 Товлыц ӯйыт ōлыманыл, аквмат та хӯлсанл, Халэв-Ойка ос Хōхра акван минамыг. Халанылт лāвсэгыт: — Тэм тав тай та ликмыс, сома нāйыц кāркам нэ та тотас!
Made with FlippingBook
RkJQdWJsaXNoZXIy MTY3OTQ2