Мифы, сказки, предания манси (вогулов). - 2005. (Т. 26.)

уля нēлме акваг кон-хартаве. Тувыл нявраманэ ос ат ханисьтыянэ, тāн тай улял та ёнгёгыт, ййвыл мори та сюлялыяныл. 6 Аквмат накыт Тяка-Āквыг хōнтхатасыг, тэнки халэнт потрамёг. Топал экватэ Тяка-Āкв лāви: — Ам тай сака люльсаӈ ōньсявем. Акв эквам няврамытн акваг ййвыл та сюлялавем, тувыл сахирисюм ос сяр хасьлум, лап ат юнтсаве. Кāркам, сāкпак экватэ палт ōлнэ Тяка-Āкв лāви: — Ам тай акв эквам ты ёмас, сахирисюм тӯп пāлыг пōкмати, тав тāра лап та юнтлыгтытэ. Тувыл нявраманэ наскāссыг āнумн новхатуӈкве сяр ат тāратыянэ. Топал эква Тяка-Āкве лāви: — Я-ты, нац тай ятил ёмас някве палт ōлэгын, ёмаскяв ōньсявен, сахин ёмсякв сēпитāве, нявраманэн ат новāвен. Ам тай турумн ты ёхтысум, тыгыл алам люль номт ты выгум. Хота мус ам таве сāлитанэм! Сāкпак нэ Тяка-Āкве лāви: — Тай наӈ тэлан, выгын ке, та выгын. Ам акв экварисюм новт- пе тот ōлы, наӈ туп новтуп хультуптэлн. 7 Та юипал хōтал сāкпак экватэ кона квāлы, акв экватэ кол нупыл āӈкваты: «Я-ты, акв эквам тай колэ āтим, хотталь ёсыма*. Ам ань новтуприсюм ос тот хотталь та тотвес». Тув та хāйти, аквмат сунсы, новтпе мосьнув тӯп сахувъялыма, пустāгыл хуйи! Алмаястэ, юв та хāй- тыс. Акв экватэ тай колэ туп сяр анятэ ӯнлы ос кирпась кӯре хуль- тум. Воссыг нэматыр āти. 8 Ань сāкпак экватэ тай сюним ань тыг мус та ōлы, нявраманэ ханисьтым ос Тяка-Акве ӯргалым аньта ōлы. (Ты мōйт хуньт мāньнув порат Омам — Агафья Тимофеевна Но- мина — тав мāнавн мōйтыгластэ, ань та пāсыл ам нэпакын хансыс- лум.) 22. ХАЛЭВ ОС КАР, ХŌХРА 1 Халэв-Ōйка хоталь ōлнэ мōртым мāтэ, витэ ялыматэ ювле ёхтыс. Аквмат накыт Карыл акван хōнтхатсыг. Кар таве кāсалас та сягтыс, ты мус тыстым, поньхим тот та сярыгтахты, лави: — Хэӈ... Кум ōйкакве*! Хотыл ос наӈ самын патсытен? Хоса мā, вит ялыман таквсы вōтын, тӯя вōтын акваг та вōтыматен. Тав васыг āгитын пыл ат эрёгын ты вōтлахтамын сāйыт?