Мифы, сказки, предания манси (вогулов). - 2005. (Т. 26.)

Тортāл сувын-ййвын патнэг ōныцитēтэ. Ань вāйим хогга мус тай тох та ōлытēв. Тох потыртымат, та ōрумт āращт харыглам нāй осга пувтмӯвес. 13 Эщēн нупыл ёӈхыгпасыг, щāгтым — мовиньтым лāвēг. — Йыгикве, ос нац ӯнтсэтен сар, ул наӈ нāйын-ōтырын кāсту- вēсын. Мāн элаль Тōрум ёт, ōтыр ёт щунюӈкве патнэ ляххалув ос наӈ элаль мēнмēнн суймалтāлэлн! Эщēн нōх-люлис, сāграпе вис, пупганэ ляльт сӯп-нēлумтāл пēнгуӈк- ве та ӯнтыс. Мощщан ӯнтсас, аквтув тōсам, рохтум осыл сāграпе ёл- пинумастэ, нōх-люлюмтас, увщияге нупыл ёӈхыгпас, лāви: — Мāнавын «таях» āти, «холыт» āти*! Тэн-Айнут кол коныпāлт āвинл ювле хӯнтлы! 14 Та ōрумт āвиянл пāлыг ты пӯнсыгтāвес, вōрут юв нэглум мӯс пуссын ӯнлум, люлюм мāнанылн тув та щама рагатасыт. Яныг-Порнэг войвесыг, сас юв-тāйвесыг. Лунт ёхтын мӯс, вāс ёхтын мӯс ат та ōлсыг. Щӯлы āт ōвылын ōс ат та ёхталасыг. Мāнь-Порнэрись юв ат тāйвес, колэт ōлуӈкве тактēт хультуптāвес. Лунт ёхтын мӯс, вāс ёхтын мӯс, гцулы āт ōвылын, сувын-ййвын патнэг Тōрум ёт, ōтыр ёт тактēт та ōлы. Увщияге сака щāгтыглам мāтэнл тэн «таях» ат ōлсыг, «холыт» ат ōлсыг. Ам мōйтум палытэ тый. (Ты мā ӯнтум мōйтытныл ōлнэ мōйт. Та ойыгпас.) 20. КАР ОС ОСЬСЯ-УРЫӇ-ЮНТУП 1 Карыг ос Осься-Урыӈ-Юнтыг тэнттетэн мāт, вōрт ōлэг. Тох ōлы- матэн аквэртн акватэн лāви: — Вōрн ялырисьмēн. Тот тāлтхатсыг, минэг, вāӈныл хартэг. Урыу-Юнтпе та харты сунэ, Каре коныл товтыл мйны. Тох миныматэн Урыӈ-Юнтпе тахурип та- рыгкве хōнтыс — Маныр ӯй норма пāрт сāгрынэ хурип ййвкве, пāртыт тах!* Ань Каре та рōӈхитэ: — Кар-ōв! Пуна юхрых, пуна юхрых! Синьх-пиньх лāпсих!*