Мифы, сказки, предания манси (вогулов). - 2005. (Т. 26.)

6 Рōӈхим сāӈхвим та кайыс, аквмат эртын лылытэ марыс, янытэт витыг, нēрыг хӯсатас, ущта кайнэ мāтэнл пōйтыс. Сāграпе ёл-пинме ōрумт эщаге ляльт титыглахты: — Хаш-хаш-хаш! Иыгитēгум, ёмащакве хӯнтласынā, хумус лāтцыт минāсыт? 7 Ань та кāсыӈ хōтал нэн ляльтын лāвнэм, ханищтанэм хольт, Тōрум-Āщин ōс акв щирыл элаль мāнав ōщнэ номт та ōньси. Лунт ётын мӯс ōлэв, вāс ёхтын мӯс ōлэв. Тāл мōт-мōт урён такви ёхсы. Тōрум-Ащув тыгыл элаль щунь щуним ущпылнэг ёмащаквēг мāнав ōныцуӈкве патытэ. 8 Тох потыртыматэ та ōрумт оста āращит харыглам нāй пувтма- вес. Акв ляльт саманэн янгыг хартым нас та сунсэг. Суссыг-суссыг, Яныг-Порнэ лāви: — Хаш-хаш-хаш, тав ул ам хоттый эрнэ лāтцыг ат лāвсум, нāйтēв наскāссыг хунь пувтаве. Хатасар ос Котьль-Порнэ, нац ӯнтсэн, пēнген. Тōрум-Āщин ос мāныр ёмас лāту, потре ам ат лāвсум? 9 Котьль-Порнэ ӯнлум мāтэнл квāлапас, щāгтым — мовиньтым сāграп та нэгумтас, пāгле ляльт, пупганэ ляльт ӯнтылматас Я-ты, Яныг- Порнэтэ хольт сāӈхвим, рōӈхим пёнгуӈкве та патыс Сома сысэн, сōргēн хартыглāве, та рōӈхи: — Хаш-хаш-хаш! Тōрум-Ащув хāснэ хосытыл лунт ёхтын мӯс ōлытēв, вāс ёхтын мӯс ōлытēв! Мōлал ат тэм тэнутув, айнутув ущты тах ты юйипāлыт ёмасэнл тэглув, айилув. Мōлал ат масыглым масну- танув ущты тах масыянув, мōлал ат ōныцам пормасув, ōлтулув ущты тах тыгыл элаль ōщмыггыянув. 10 Хаш-хаш-хаш! Щӯлы āт ōвылн ёхтын мӯс ōлэв, тортāл йӣвын — сувын, колын патнэ мӯс ōлэв. Тōрум-Āщув, ягув хāснэ хосытыл мин- нэ ӯй миныглāлы, ёхтын ӯй ёхталāлы*. Мāн тоха та лунт ёхтын мӯс ōлэв, вас ёхтын мӯс ōлэв. 11 Рōӈхим, сāӈхвим та кайыс-кайыс, янытэт рēгвит халын тэлыгламэ ōрумт ущ та лылытэ марыс, кайнэ мāтэнл пōйылттахтас. Саграпе ёл- пинме ōрумт титгаге ляльт титыглахты: — Хаш-хаш-хаш! Увщитēгум йыгитēгум хумле хӯнтласын, лāтӈыт ёмас минасыт? Хулыслынā? Тыгыл элаль Тōрум-Āщин хумыс щунь щуним мāнав щӯлы āт ōвылын, ййвын-сувын патнэг ōныӈуӈкве па­ тытэ. 12 Увщитэ та сōнтмыс, мовиньтым, щāгтым та потырты: — Ам кāсыӈ хōтал нэнан тыйи ты толихтэгум*. Хумыс ты Тōрум- Āщув мāнав тах щунь щуним лунт ёхтын, вāс ёхтын мӯс ёхыттытэ.